سه‌ما
کۆمپانیا ئایکۆم یا ژاپۆنی دبێژیت، ئەو ئاميرێن ل لوبنانێ تەقین چەندین سال ن فرۆتنا وان قەدەغە کریە.
کۆمپانیا ئایکۆم یا ژاپۆنی بەرهەمهێنەرێ ئامێرێن پەیوەندیا بێتێل راگەهاند، نەشێن پشتراست بکەن کا ئایا کۆمپانیێ بەرهەمەکێ پەیوەندیدار ب وان تەقینان ڤە یێن لوبنانێ شاندیە یان نە.
کۆمپانیێ ئاماژە ب وێ چه‌ندێ کر، باتریێن پێدڤی ژ بۆ کارپێکرنا ئامێرێ، کو نێزیکی دەه سالان بەری نوکە ژ بۆ فرۆتنێ هاتبوو قەدەغەکرن. هەروەسا کۆمپانیێ ئەو ژی خستە روو، ئەو بەرهەمێن هنارتی دەرڤەی وەلاتی دکەت، کەفتیە ژێر پرۆسەیەکا توند یا رێکخستی کو ژ لایێ حکوومەتا ژاپۆنێ ڤە هاتیە دانان.
کۆمپانیێ پشتی تەقینێن لوبنانێ راگەهاند، لێگەریانێ ژ بۆ وان راستیان دکەت کو پەیوەندی ب وان راپۆرتێن نووچەیی ڤە هەنە کو ئامێر، لۆگۆیێ کۆمپانیێ ل سەر بوویە.
ئامێرێن پەیوەندیێ یێن پەیجەر، کو ژ لایێ گرووپا چەکدار یا حزبوڵڵاه ڤە دهێنە بکارئینان، ئێڤارا رۆژا سێشەمێ ل باشوورێ لوبنانێ تەقین، پشتی لێکۆلینێ دەرکەفت کو پەیڤا ئایکۆم و چێکریێ ژاپۆنی ل سەر بوو.