سه‌ما
ليژنه‌يه‌ك بۆ رێكخستنا كاروبارێن جڤاكى ل ناحيا باعه‌درێ هاته پێكئينان، چه‌ند بريارێن نوو ژى بۆ تازى و هه‌لكه‌فتان ده‌ركرن.
ل هۆلا باعه‌درێ يا بيره‌وه‌ريان، بنەمالێن باعەدرێ یێن کەڤن ب ئاماده‌بوونا موختارێن تاخێن هه‌وێريا، شنگالیا كۆمبوون.
دكۆمبوونێ دا گه‌نگه‌شه ل سه‌ر ڕێكخستنا تازى و هه‌لكه‌فتێن جڤاكى هاته كرن، هه‌روه‌سا ب ڕه‌زامه‌نديا هه‌موويان ليژنه‌يه‌كا نوو بۆ ب ڕێڤه‌برنا كاروبارێن جڤاكى يێن بنەمالێن باعەدرێ یێن کەڤن هاته دانان.
بريارێن ليژنه‌يا ڕێڤه‌به‌ر بۆ تازيان:
ئێك: شیڤ ل هێڤارا خێر، چلێ و سالێ بۆ ژن و زەلاما نائێتە دانان.
دوو: مالا مری ل ڕۆژا چلێ و سالێ بتنێ دێ بێژتە مرۆڤ و جینارێت خۆ.
سێ: هۆل (قاعة) بۆ چل و سالێ نائێنه بكارئينان.
چار: دەمێ ئێک دچتە بەر دلۆڤانيا خودێ بتنێ دێ سێ تەلقا هاڤێژن.
پێنج: نابت ژنک ل گەل جەنازێ مری بچنە زەهمانی.
شه‌ش: نابت هێڤارا ڕۆژا ئينيێ بچنه مالا مرى، بتنێ ل هێڤارێت چارشەمبووا ئه‌وژى بتنێ مرۆڤێت وی.
هه‌فت: پاشیڤا مری بتنێ دێ مێویژ و قەسب و هژیرێت حشک بن.
هه‌شت: دەمێ ئێک ل دەرڤەی وەلاتی دمرت و ل وێدەرێ ڤەدشێرن نابت تازیێ ل وەلاتی بكه‌ن و خێرێ وەربگرن.
نه‌هـ: ژنک بتنێ هێڤارێت چارشەمبووا دێ چنە سەر تربا.
ده‌هـ: نابت دهۆل و زرنا ۆو تازیێ بێنە لێدان، بتنێ ئەگەر جهێلەک بوو – کورک یان کچک هێش داوەتا خۆ نەکربن.
يازده: سەر مەهــ نائێنەکرن.
دوزاده: ئەگەر تازیەک ل گوندی بوو، نابت دهۆل و زرنا ل گوندی بێنە لێدان وەک ڕێزگرتن بۆ مالا مری.
بريارێن هه‌لكه‌فتان:
ئێك: ل داوەتا دێ شیڤ هەبت وەکی بەرێ و دێ پیرۆزیا بووک و زاڤا ژی هەبت.
دوو: ل ڕۆژا توافێ ده‌مێ( په‌رى سواركرن و هلێلێ )، دێ بتنێ دهۆل و زرنا و تمبلک و زەمبەرا ئێنە لێدان.
سێ: ل ده‌مێ خواستنا کچکێ دێ خالینی و مامينى50 هەزار دينار ئێنە دان و موختار و قەهوا گوندی 25 هەزار دينار ئێنە دان.