سه‌ما
پشكا قوتابيان ل بنگه‌هێ لالش ل دهۆكێ رادگه‌هينت، وه‌زاره‌تا خواندنا بلندا حكومه‌تا هه‌رێمێ وه‌ك هاريكارى ئاسانكاريان بۆ قوتابیێن ئاماده‌یی يێن ده‌رڤه‌ى ئیدارا هه‌رێمێ دكه‌ت، ل زانكۆيێن كوردستانێ به‌رده‌واميێ ب خواندنا خۆ بده‌ن.
د.منيب سه‌يدۆ، به‌رپرسێ پشكا قوتابيان ل بنگه‌هێ لالش ل دهۆكێ بۆ سه‌ما راگه‌هاند، وه‌زاره‌تا خواندنا بلندا حكومه‌تا هه‌رێمێ به‌رنامه‌یه‌ك بۆ قوتابیێن ده‌ڤه‌رێن كوردستانی يێن ژ ده‌رڤه‌ی ئیدارا هه‌رێما كوردستانێ هه‌یه، ئه‌وژی قوتابیێن پۆلا شه‌شێ ئاماده‌یی خواندنا عه‌ره‌بی ته‌مام دكه‌ت دكارت ل زانكۆ و په‌یمانگه‌هێن هه‌رێمێ به‌رده‌وامییێ بده‌نه خواندنا خۆ، ئه‌م هه‌ول دده‌ين هه‌ر سال پێشنيارێن خۆ بۆ وه‌زاره‌‌تێ بهنێرين و كێمترين ئاريشه‌يێن قوتابيان هه‌بن و پتر قوتابى بێنه وه‌رگرتن،ديسان به‌رده‌وام گۆهدارییا گلی و گازندێن قوتابیان دكه‌ین و كارێن وان سڤك دكه‌ین.
به‌رپرسێ ليژنا قوتابيان ديار ژى كر، هه‌ر ژ ده‌ستپێكا ڕاگه‌هاندنا ڤی بابه‌تی مه خۆ لێ كريه خودان و هه‌ماهه‌نگیێ دگه‌ل نڤیسینگه‌ها كه‌ركوكێ يا وه‌زاره‌تا خواندنا بلند و زانكۆيا دهۆكێ دا دكه‌ین، ب تایبه‌ت ژی تۆمارا گشتی یا زانكۆیان و ل ده‌مێ پركرنا فۆرمێن زانكۆلاین ب هه‌موو شێوه‌یان هاریكاریا قوتابیان دكه‌ین.
ناڤهاتى دازانين ژى، پشكا قوتابیان ل ده‌سته‌یا بلندا بنگه‌هێ لالش بوویه پره‌ك دناڤبه‌را قوتابیان و لايه‌نێن په‌يوه‌نديدار دا.
ب رێيا ڤی به‌رنامه‌ی سالانه نێزيكى 400 قوتابیان ل زانكۆ و په‌يمانگه‌هێن كوردستانێ دئێنه وه‌رگرتن.