سهما:
ياسمين حهسهن، يا تهمهن 24سالى یاریزانا یاریا غاردانێ يه و پشكدارى د چهندين ماراسۆنێن غاردانێ ل ههرێما كوردستانێ و ژ دهرڤه دا كرينه و مهدالى ژى ب دهست خۆڤه ئيناينه.
ياسمين حهسهن، د ديدارهكێ دا بۆ سهما گۆت: ههر ژ زارۆكينيێ دا حهزا ياريا غاردانێ ههبوويه، پشتى جينۆسايدا ب سهرێ ئێزدييان دا هاتى ل 3-8-2014 ل سهر دهستێ ڕێكخراوا داعش يا تيرۆرستى، ئاوارهيى ههرێما كوردستانێ بووين و نۆكه ل كۆمهلگهها شاريا سهر ب پارێزگهها دهۆكێ ئاكنجى مه و بهردهوامى دا حهزا خۆ يا غاردانێ، ئهو ژى ب پشتهڤانييا مالباتا خۆ و ڕێكخراوا (فرى تو رون) ل سالا 2021 شيانێن خۆ پتر بهێزكرن و ڕۆژانه ڕاهێنانێن وهرزشى دكرن ژبۆ قارهمانيا و ماراسۆنا ل ههرێما كوردستانێ و ژ دهرڤه.
دهربارهى پشكدارييا خۆ د ماراسۆنا ئيسپانيا دا ياسمين حهسهن دبێژت: جيێ شانازييێ بۆ من كو ژ ناڤا 200 پشكداران هاتمه ههلبژارتن بۆ ماراسۆنا وهلاتێ ئيسپانيا ل سالا بۆرى هاتبوو ئهنجامدان و تێدا كارى 26كيلۆمهتران د ماوێ چار دهمژمێران دا دهرباز بكهم و پلا سێيێ ب دهست خۆڤه بينم و مهداليێ ببم.
گۆتژى: ههتا نۆكه پێنج مهدالى د چهندين قارهمانيان دا برينه و ل دەمێ ڕاهێنانان دا ههتا 100كيلۆمهتران دكارم غاردانێ بكهم.
ههروهسا ياسمينێ ديار ژى كر، نۆكه ل مال ڕاهێنانان و لهزاتييا خۆ بهێز دكهم و بهرههڤيان دكهم كو پشكدارى قارهمانى و ئۆلۆمپياتا ببهم.