سه‌ما
پرۆسه‌يا دابه‌شكرنا مينحه‌يا داراييا سه‌رۆكوه‌زيران مه‌سرور بارزانى ل سه‌ر ڕزگاربوويێن ژ ده‌ستێ داعشێ دێ به‌رده‌وام بت،ئيرۆ ژى ده‌ست ب تۆماركرنا داتايێن مينحه‌يێ هاته كرن.
ئيرۆ پێنج شه‌مبوويێ 8ى ته‌باخا 2024ێ، ئيمان موراد، ڕێڤه‌به‌را پرۆژێ مينحه‌يا دارايى بۆ سه‌ما راگه‌هاند؛ دماوێ چار رۆژێن بۆرى دا ده‌ست ب دابه‌شكرنا مينحه‌يا رێزدار مه‌سرور بارزانى سه‌رۆكوه‌زيرێن حكومه‌تا هه‌رێما كوردستانێ ل سه‌ر رزگاربوويێن ژ ده‌ستێ داعش ل ده‌ڤه‌رێن شاريا،خانك،شێخان و دێره‌بوونێ هاته‌كرن.
ئيمانێ گۆت ژى:ئيرۆ ده‌ست ب تۆماركرنا داتايێن مينحه‌يێ هاته كرن و بۆ ماوێ چه‌ند ڕۆژان دێ يا به‌رده‌وام بت،هه‌روه‌سا دابه‌شكرنا مينحه‌يێ ل سه‌ر رزگاربوويان ل بنگه‌هێ لالش ل دهۆكێ دێ يا به‌رده‌وام بت، هه‌تاكو هه‌موو رزگاربووى وه‌ردگرن.
ل رێككه‌فتى 2/7/2024ێ پرۆژه‌يێ پشته‌ڤانيكرنا دارایی بۆ ڕزگاربوويێن ئێزدى ژ دەستێ داعشێ ژلايێ رێزدار مه‌سرور بارزانى ڤه ، سه‌رۆكوه‌زيرێن حكومه‌تا هه‌رێما كوردستانێ ڤه هاتە ڕاگەهاندن.
کابینا نەهێ یا حکومەتا هەرێما کوردستانێ و ب تایبەت جەنابێ سەرۆکێ حکومەتێ، پشتەڤانيه‌كا بێ سنوور پێشكێشى ئێزدیان و ب تایبەت شنگالێ دكه‌ت.
