سه‌ما
شێوه‌كار فارس شه‌مۆ بێبانى راگه‌هاند، هه‌موو ملله‌ت ب كه‌لتۆر و فلكلۆرێ خۆ ديار و به‌رچاڤن، ئێزدى ژى خودان فلكلۆره‌كێ پر ده‌وله‌مه‌ند و زه‌نگينن.
شێوه‌كار فارس شه‌مۆ، د ديداره‌كێ دا بۆ سه‌ما دبێژت: د دڕێژاهيا ديرۆكێ دا گه‌له‌ك فه‌رمان و جينۆسايد بسه‌رێ ئێزديان دا هاتينه، سه‌ربارى نه‌خۆشيێن ديتين ئه‌وا كاريه كه‌لتۆر و فلكلۆرێ خۆ يێ ڕه‌سه‌ن تا ئيرۆ ڕۆژ ژ وندابوونێ بپارێزن.
بێبانى باس ل گرنگيا هۆنه‌رێ شێوه‌كارى كر و گۆت: باب و كالاێن فلكلۆر پاراستيه و من دڤێت وه‌كو شێوه‌كاره‌ك ژين و ژيارا وان به‌رچاڤ و ديار بكه‌م بۆ نفشێ نۆكه، چنكو ئه‌وان گه‌له‌ك نه‌خۆشى و زه‌حمه‌ت ديتيه دێ بزاڤان كه‌م تابلۆيێن زێده‌تر ل سه‌ر كه‌لتۆرى چێكه‌م.
خوياكر ژى، ب ڕێيا تابلۆيان فه‌رمانێن ئێزديان،كه‌لتۆر، هه‌لكه‌فتێن جڤاكى،ئۆلى و پێكڤه‌ژيانێ پيشان دده‌م.
ناڤبرى خه‌لكێ گوندێ بێبانێ يه سه‌ر ب ناحيا ئه‌لقوش ڤه، ئێك ژ شێوه‌كارێن به‌رناسێن ئێزديان و ده‌ڤه‌رێ يه، دگه‌ل جوداهيا ته‌مه‌نى ئه‌و تا نۆكه به‌رده‌وامه ل سه‌ر كارێ خۆ.