سه‌ما
سەرپەرشته‌كێ پەروەردا ئێزدیاتيێ دخوازت جينۆسايدا ئێزديان ل سه‌رده‌ستێ تيرۆرستێن داعشێ، دپرۆگرامێن خواندنێ دا ل هه‌رێما كوردستانێ و عيراقێ بێته خواندن.
عه‌نته‌ر كه‌لۆ، سەرپەرشتێ پەروەردا ئێزدیاتيێ بۆ سه‌ما دياركر، جینۆسایدا ئێزدیان ئێک ژ تاوانێن هەرە مەزنه د چەرخێ بيست و ئێكێ دا، گۆتژى پێدڤيه خەلکێ کوردستانێ و عيراقێ هەموو بزانن كو تيرۆرستێن داعشێ ده‌مێ ده‌ست بسه‌ر شنگالێ دا گرتى چ ب سەرێ خەلکێ سڤیل يێ ئێزدى ئينايه و ب شێوەکی درندانە کال و پیرەک ب ساخی بن ئاخ کرین، زارۆک و گەنجێن بێ گونەهـ كوشتن و كچ و ژن ل بازاران فرۆتن.
خوياكر ژى كر، بۆ هندێ ئه‌و تاوانێن ل دژى مرۆڤايه‌تيێ ل ده‌رهه‌قێ ئێزديان هاتينه ئه‌نجامدان نه‌ئێنه ژبيركرن، دڤێت ل هه‌موو قۆناغێن خواندنێ و زانكۆ و په‌يمانگه‌هان ل سەرانسەرى هه‌رێما کوردستانێ و عيراقێ بێتە خواندن.
كوردێن ئێزدى ل سه‌ر ده‌ستێ هۆڤێن داعشێ ل شنگالێ راستى قركرن و جينۆسايدێ بوون، هه‌روه‌سا 10ساڵ ل سه‌ر جينۆسايدێ ده‌ربازبوون هێشتا ئێش و ئازارێن ئێزديان دبه‌رده‌وامن.