ناڤەندا نووچەیان – سەما
مەسرور بارزانی، سەرۆکێ حکومەتا هەرێما کوردستانێ د پەیامه‌کێ دا ب هەلکەفتا هەشتێ مارسێ، پیرۆزباهييا ڕۆژا جیهانی يا ئافرەتان، ل سەرجەم ئافرەتێن کوردستانێ و جیهانێ دکه‌ت و دبێژت: جهێ خۆشحالییێیە کو ئەڤرۆ ئافرەت ل هەرێما کوردستانێ، رۆلەکێ بەرچاڤ و کارا د سازیێن هەرێما کوردستانێدا هەیە.
دەقێ پەیاما مەسرور بارزانی؛
ب هەلکەفتا هەشتێ مارسێ، ڕۆژا جیهانییا ئافرەتان، پیرۆزباهییێ ل هەموو ئافرەتێن کوردستان و جیهانێ دکەم.
من ڕێز و پێزانین بۆ خەبات و تێکۆشان و ڕۆلێ دیارێ ئافرەتێن کوردستانێ د دیرۆکا گەلێ کوردستانێدا هەیە کو هەردەم نموونەیێن نیشتمانپەروەری و ئازایەتییێ و گیانفیدایی و قوربانیدانێ بوون.
جهێ خۆشحالییێیە کو ئەڤرۆ ئافرەت ل هەرێما کوردستانێ، رۆلەکێ بەرچاڤ و کارا د سازیێن هەرێما کوردستانێدا هەیە و ئەم پابەندین ب زێدەتر رەخساندنا دەلیڤەیێن یەکسان ل بەر ئافرەتێن کوردستانێ و بلندکرنا ڕێژە و ئاستێ پشکدارییا وان دبیاڤێن جودا یێن ب رێڤەبرنێدا، هەروەسا بەرهەنگاربوونا هەموو جۆرێن توندوتیژی و جوداهییێ دژی ئافرەتان.
هەشتێ مارسێ پیرۆز بیت و هیڤیا پێشکەفتنا زێدەتر بۆ ئافرەتێن کوردستانێ دخوازم.
مەسرور بارزانی
سەرۆکێ حکومەتا هەرێما کوردستانێ
2025-03-08