ناڤه‌ندا نووچه‌يان – سه‌ما
رێڤەبەرێ ئاڤدێریا قەزا شێخان ئاشكراكر، نێزيكى 500 کانیێن ئاڤێ ل شێخان هەنە، نوکە 75% ئەو کانیە هشك بووینە.
ئێك شه‌مبوويێ 2ى شوباتا 2025ێ، ئەندازیار ئیبراهیم میرانی، رێڤەبەرێ ئاڤدێریا قەزا شێخان بۆ سه‌ما راگەهاند: ل سنوورێ دەڤەرا شێخان نێزيكى 500 کانی هەبوون کو ب ئەگەرێ نەهاتنا بارانێ75% هشك بووينه.
ئیبراهیم میرانی ئاشكراكر: “ئيسالە باران ل دەڤەرا شێخان کێم باریە، ئەڤە بوویە ئەگەر زیان بگەهتە ژێدەرێن ئاڤێ ل دەڤەرێ، ئەو کانیێن ئاڤێ یێن ماین ژی مەترسی ل سەر هەیە هشك بن”.
ميرانى، باس ل وێ چه‌ندێ ژى كر، نوكه 25% كانيێن ئاڤێ ماينه و ئاڤا وان ژى كێم بوويه ژبه‌ر نه‌هاتنا بارانێ.
ل سالا بۆرى دا 365 مليمێن بارانێ ل سنوورێ دەڤەرا شێخان باريبوون، دئيساله دا بتنێ 80 مليم بارينه و كارتێكرنه‌كا مه‌زن ئێخستيه سه‌ر به‌نداڤان و كانيێن ئاڤێ.