سه‌ما
به‌رپرسێ فه‌دراسيۆنا كۆمه‌لێن كوردستانى ل ئه‌لمانيا ئاماژێ ب وێ چه‌ندێ دكه‌ت، وه‌كو فه‌دراسيۆن كوردێن هه‌ر چار پارچێن كوردستانێ ژ هه‌موو ئاين و نه‌ته‌وان بخۆڤه دگرت و ئارمانجا وان ساخكرنا هه‌لكه‌فتێن نه‌ته‌وه‌ى و نيشتيمانى يه ل ده‌رڤه‌ى وه‌لاتى.
ل رۆژا سێ شه‌مبوويێ 27ى ته‌باخا 2024ێ، نادر دۆغاتى، به‌رپرسێ فه‌دراسيۆنا كۆمه‌لێن كوردستانى ل ئه‌لمانيا بۆ سه‌ما راگه‌هاند، ئه‌م ب نێرينه‌كا كوردستانى ل خه‌لك و ره‌ڤه‌ندا خۆ دنێرين،فه‌دراسيۆن پێكهاتيه ژ هه‌موو ئاين و نه‌ته‌وه‌يێن كورد يێن هه‌ر چار پارچێن كوردستانێ و گۆت:” د ئاليێ چاند و كه‌لتۆرى دا و هه‌موو هه‌لكه‌فتێن نه‌ته‌وه‌ى و نيشتيمانى يێن گرێدايى وه‌لاتێ مه ساخ دكه‌ين”.
دۆغاتى دا زانين، فدراسيۆنا كۆمه‌لێن كوردستانى ل ئه‌لمانيا ل سالا 2018 هاتيه دامه‌زراندن، و سالانه چالاكى و سمينارێن جۆرا و جۆر بۆ خزمه‌تكرنا ره‌ڤه‌ندا كوردى دگێرين.