سه‌ما
هێمن هەورامی، ئەندامێ مەکتەبا سیاسی یا پارتى دیموکراتى کوردستان راگەهاند “هیڤیدارین پشتی پێکئینانا کابینه‌يا دەهێ، کو مەسرور بارزانی دێ سەرۆکاتیا وێ کەت، هەر هێز و لایەنەکێ دی کو پۆستێ جێگرێ سەرۆکێ حکومەتێ یان هەر پۆستەکێ دی وەرگرت، ب راستی د ناڤ حکومەتێ دا بن”.
هێمن هەورامی، ئەندامێ مەکتەبا سیاسی یا پارتى دیموکراتى کوردستان، د چارچۆڤێ کۆنفرانسەکێ رۆژنامەڤانی دا، گۆت: پەیاما پارتى، پەیاما ئاشتی و برایەتیێ یە و پارتی دەستپێشخەر نابت د هێرشکرنا سەر چ لایەنەکی دا.
ئەندامێ مەکتەبا سیاسی یا پارتی گۆت: دڤێت ئەم ژبیر نەکەین کو پشتی هەلبژارتنان ژی ئەم دێ دیسان پێکڤە رونین و رێککەڤین.
هەروەسا هیڤیدارە پشتی پێکئینانا کابینه‌يا دەهێ، کو مەسرور بارزانی دێ سەرۆکاتیا وێ کەت، هەر هێز و لایەنەکێ دی کو پۆستێ جێگرێ سەرۆکێ حکومەتێ یان هەر پۆستەکێ دی وەرگرت، ب راستی د ناڤ حکومەتێ دا بن.
دەربارەی کەرکوکێ، ناڤبری دوپاتكر، هەلویستێ پارتى ل پارێزگەهێ هەردەم رون و ئاشکرا بوویە و هەردەم بەرژەوەندیا کوردی ل بەر چاڤ گرتیە.
هەروەسا دبێژت: چەندین جاران دەرفەتا تەمامکرنا نیسابا یاسایی هاتە پێش پارتی، دا کو پۆستێ پارێزگارى ئێکلا بکەت، لێ سەرۆک بارزانی مکوم بوو ل سەر وێ چەندێ کو دڤێت ئێكه‌م جار ئەڤ پۆستە بۆ پێکهاتەیێ کورد ب گشتی بت، نە کو د بەرژەوەندیا تەنێ لایەنەکی دا، کو چەندین پۆستێن دی یێن کورد د وێ رێکێ دا بووینە قوربانی.
دەربارەی حوکمڕانیێ ل هەرێما کوردستانێ، ئەندامێ مەکتەبا سیاسی یا پارتی رونکر، هندەک لایەن بەشدارن د حکومەتێ دا لێ ژ لایەکێ دی دگەل بنکۆلکرنا حوکمڕانیێ نە و دژی بنەمایێن حوکمڕانیێ نە.