سه‌ما
وەزارەتا خواندنا بلند و ڤەكۆلینێن زانستی يا حكومه‌تا هه‌رێما كوردستانێ، ب مەرەما هەماهەنگییێ و بەرفرەهكرنا پەیوەندییان، كۆرسەكێ ڕاهێنانێ د بیاڤێ دیبلۆماسیدا ل توركیا ڕاگەهاند، بۆ پشكداریكرنێ چەند مەرج بەلاڤكرن.
– مەرجێن پشکداریکرنێ:
. دڤێت پێشکێشکار مامۆستا یان فەرمانبەرێ وەزارەتا خواندنا بلند بیت.
. دڤێت هەلگرێ باوەرنامەیا دکتۆرا یان ماستەرێ بیت.
. دڤێت تا بەری 2024/01/01 ـێ ژییێ وی ژ 40 سالییێ کێمتر بیت.
. دڤێت زمانێ ئینگلیزی باش بزانیت.
. نیشتەجیێ تورکیا نەبیت.
. دڤێت بەری نوکە بەڕنامەیێن خواندن و ڕاهێنانان ل ترکیا نەکربن.
. ئەو بەربژارێن ئاستێ زمانێ ترکیا (advance)ـە کار ل سەر ناهێتە کرن.
. دڤێت بەربژار ئامادەیی 80% یا وانە و سمینارێن چالاکییان بیت.
. بەڕنامە دێ 8 هەیڤان ڤەکێشیت، کو دێ هەیڤا 11 دەست پێ کەت و دێ هەیڤا 7 یا سالا بهێت ب دووماهی هێت.
. دووماهی ژڤانێ پێشکێشکرنێ 2024/09/02 ـێ یە.
– شایستەیێن دارایی:
– هەمی خەرجییێن پشکداربوویان ژبلی یێن ساخلەمییێ دێ ژ لایێ ترکیا ڤە هێنە دایبینکرن و ئەو بەربژارێن د تاقیکرنێن ئاستی دا دەرنەچن دێ پشتگرییێن دارایی ژێ هێنە بڕین.
. ئەو بەربژارێن ئامادەیی چالاکییان نەبن دێ پشتگرییێن دارایی ژێ هێنە بڕین. و ئەوێن وەرگرتین ژی دێ ژێ هێنە ستاندن.
– پێشکێشکرن:
. پێشکێشکرن دێ ب ڕێکا ئونلاین بیت، لێ دڤێت دۆکیومێنتێن ل خوارێ ب دەست بۆ ڕێڤەبەرییا پەیوەندییان یا دیوانا وەزارەتێ بهێنە پێشکێشکرن.
. کار ب تێستێن زمانێ ئینگلیزی یێن (تۆیفل، ئایڵتس و پی تی ئی) دهێتە کرن و نابیت دەم ب سەر ڤە چووبیت.
. باوەرنامەیا ماستەرێ بۆ هەلگرێن ماستەرێ و باوەرنامەیا دکتۆرا و ماستەرێ ژی بۆ هەلگرێن باوەرنامەیا دکتۆرایێ.
. ڕێگرینەکرنا جهێ کاری بۆ پشکداریکرنا پشکداربوویان د وێ ڕاهێنانێ دا و دیارکرنا سالێن خزمەتێ پشتی ب دەستڤەئینانا دووماهی باوەرنامەیێ.
– تێبینی، ڕۆژا پێنجشەمبی 2024/08/22 ـێ دووماهی ژڤانە بۆ پێشکێشکرنا وان دۆکیومێنتان و دڤێت هەمی ب شێوازێ ڕەسەن و کۆپی بهێنە پێشکێشکرن.