بنگه‌هێ لالش:چاره‌نڤيسێ زارۆكێن گرتيێن ئێزدى يێ ديارنينه
ب هەلکەفتا ڕۆژا جیهانی یا زاڕۆکان کو هەموو ساڵا ل رێکەفتی ٦/١ دئێتە ساخکرن،گەرمترین و جوانترین پیرۆزباهیان ئاڕاستەی تەڤایا زاڕۆکێن ئێزدى و کوردستانێ یێن کو هیڤی و ئۆمێدێن پاشەرۆژ و ستێرا گه‌شا وەلاتێ مە دکەین وهیڤیا ژیانەکا خۆش و بەختەوەر ژبۆ وان و کەسوکارێن وان دخوازین.
پشتى هێرشا تيرۆرستێن داعشێ بۆ سه‌ر شنگالێ ل ڕۆژا 3/8/2014ێ،ب ده‌هان زارۆكێن ئێزدى هاتنه گرتن و هه‌موو جۆرێن نه‌خۆشيان ل سه‌ر ده‌ستێ تيرۆرستان ديتن و ل سه‌ربازگه‌هان ڕاهێنان پێ كرن و مێشكێ وان شووتن بۆ كارێن خۆ يێن درندانه بكارئينان،زێده‌ترى 2هه‌زار زارۆكێن ئێزدى سێوى نه و ژيانه‌كا نه‌خۆش ده‌رباز دكه‌ن و هێشتا چاره‌نڤيسێ ب ده‌هان زارۆيێن دى يێ ديار نينه و ئێخسيرن،هيڤيخوازين ژ حكومه‌تا هه‌رێما كوردستانێ و عيراقێ پێنگاڤێن زێده‌تر بێنه كرن بۆ ڕزگاركرنا هه‌موو گرتيێن ماين د ده‌ستێ تيرۆرستان دا.
هه‌ر بڤێ هەلكەفتێ داخوازێ دكەین ئێكێ شەش ببتە هاندەرەك بۆ بدەستڤەئینانا هەموو مافێن زارۆك و سنێلان ب تایبەت ئەوێن د جارناما جیهانیا مافێن مرۆڤی و ڕێكەفتن و پەیمانا مافێ زارۆكی دا هاتین،ژئەزدایێ دلۆڤان ب هیڤینە سالێن بێن د ڕەوشەکا باشتر و ئارامتر ل کوردستانەکا ئازاد و سەربەخۆ دە ژیانا خۆ ببنە سەر و ب هەموو مافێن خۆ یێن ڕەوا شادبن.
دووبارە ڕۆژا جیهانی یا زارۆکان پیرۆزبت.
ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌ڵايه‌تى/دهۆك
1/6/2024
