ناڤەندا نووچەیان – سەما
مەزلووم عەبدی، فەرماندەیێ گشتی یێ هێزێن سووریای دیموکرات (هەسەدێ)، پەیوەندییا تێلەفۆنی دگەل مەسرور بارزانی، سەرۆکێ حکومەتا هەرێما کوردستانێ ئەنجامدا و بزاڤێن بۆ ئارامکرنا ڕەوشێ و چارەنڤیسێ دەستەسەرکرییێن داعش گوتۆبێژکرن.
فەرماندەیێ گشتییێ هەسەدێ د پەیامەکێدا ل هەژمارا خۆ یا تۆرا جڤاکی یا ئێکس دیارکر، دگەل مەسرور بارزانی، سەرۆکێ حکومەتا هەرێما کوردستانێ پرسا ڤەگوهاستنا چەکدارێن دەستەسەرکری یێن داعش بۆ عێراقێ و بزاڤێن دیپلۆماسی بۆ جێگیرکرنا ئارامییا وان گوتۆبێژکرن.
د ئەوێ پەیوەندییا تێلەفۆنیدا، مەسرور بارزانی، دوپاتی ل ئەوان بزاڤان کر یێ کو حکومەتا هەرێما کوردستانێ د چوارچووڤەیێ پشتەڤانیکرنا خۆشك و برایێن ل ڕۆژئاڤایێ کوردستانێ گرتینە بەر.