سه‌ما
پەیڤدارێ پارتی دیموکراتی کوردستان ته‌كه‌زكر كو هه‌ر ته‌جاوزه‌ك ل سه‌ر كه‌سايه‌تيا مه‌سروور بارزانى، ته‌جاوزه ل سه‌ر پارتى هه‌موویێ یه.
ل ڕۆژا سێ شه‌مبوويێ 27/8/2024ێ،مەحموود محەمەد، پەیڤدارێ پارتی دیموکراتی کوردستان ڕاگەهاندنەك بەلاڤكر و دیاركر، ئەڤە دەمەكە هندەك ژ بەرپرسێن ئێكەتی نشتیمانی كوردستان و ڕاگەهاندنێن وان، ب شێوەكێ نەباش و دوور ژ ڕێزگرتنا سیاسی و هێرشێن نەڕاست ل سەر مەسرور بارزانی، جێگرێ سەرۆكێ پارتی و سەرۆکێ حکومەتا هەرێما کوردستانێ دكەن.
مەسرور بارزانی، کار و سیاسەتا خۆ د چارچوڤێ سیاسەتا پارتی دا دكەت و هەر ته‌جاوزه‌كا ل سەر مەسرور بارزانی، ئەو ته‌جاوزه ل سەر هەموو ئەندامێن پارتی دئێتە هژمارتن.
ده‌قێ راگه‌هاندنا پەیڤدارێ پارتی دیموکراتی کوردستان:
ده‌مه‌كه پشكه‌ك ژ به‌رپرس و میدیایێن ئێكه‌تییا نشتیمانى یا كوردستانێ دوور ژ پره‌نسیپ و ئه‌ته‌كێتێن سیاسى و ژ روواگه‌ها ره‌وشا ناڤخۆ یا ئێكه‌تییێ ته‌ماشه‌یى پارتى دكه‌ن و دژى رێزدار مه‌سروور بارزانى، جێگرێ سه‌رۆكێ پارتییا مه و سه‌رۆكێ حكومه‌تا هه‌رێما كوردستانێ، هه‌لوه‌ستێ نه‌یارانه و جه‌واشه‌كارى نووچه‌یێن بێ بنه‌ما به‌لاڤ دكه‌ن، دویماهى جار ژى ئه‌و جه‌واشه‌كاریه بوو یا ل رۆژا 26-8-2024ێ كو ل مالپه‌ڕێ فه‌رمى یێ ئێكه‌تییێ راگه‌هاندنه‌ك ب ناڤێ ژێده‌ره‌كى ژ ناڤا ئێكه‌تییێ به‌لاڤكریه.
ئه‌م وه‌ك پارتى دیمۆكراتى كوردستان بۆ رایا گشتى و خه‌لكێ خۆشتڤى یێ كوردستانێ دوپات دكه‌ین كو هانده‌ر و نڤیسه‌رێن ل پشت وێ راگه‌هاندنا ئێكه‌تییێ، وه‌ك رووانگه‌ها ره‌وشا بال بالییا ناڤا ئێكه‌تییێ بخۆ، دڤێت وێنه‌یێ پارتى ژى وه‌ك وى لێ بكه‌ن، پارتى خودان رێبازه‌كا راست و دروسته و خودان رابه‌ر و مه‌رجه‌عه‌كى یه كو سه‌رۆك مه‌سعوود بارزانى یه و ئه‌م هه‌موو خه‌باتكارێن رێبازا بارزانى نه و ل ژێر سایه و چه‌ترا جه‌نابێ بارزانى بۆ ئێك ئارمانجێ و ئێك رێبازێ تێكۆشینێ دكه‌ین.
رێزدار مه‌سروور بارزان كار و هه‌لوه‌ست و بووچوون و سیاسه‌تا وى د حوكمڕانییێ و كارێ سیاسى دا د چارچۆڤێ به‌رنامه و هه‌لوه‌ستێ پارتى دیمۆكراتى كوردستان دایه و هه‌ر جۆره ته‌جاوزه‌ك بۆ سه‌ر كه‌سایه‌تییا مه‌سروور بارزانى، ل ده‌ف پارتى و پارتیان ته‌جاوزه بۆ سه‌ر هه‌موو پارتیێ و جه‌ماوه‌رێ وێ یێ خودان هه‌لوه‌ست.
ئه‌و هیشتا پارتییا مه نانیاسن و په‌ندان ژ دیرۆكێ وه‌رناگرن، به‌رى نوكه وان خه‌ون ب هندێ ڤه ددیتن كو پارتى وه‌ك خۆ لێ بكه‌ن، به‌لێ هه‌روه‌ك چاوا پێشتر ئه‌و خه‌ون و خه‌یال نه‌هاتییه بجهـ ئینان، وان پشت راست دكه‌ین كو پارتى و پارتییا مه ب هێز و باوه‌ربخۆبوویه و خه‌ون و خه‌یالێن وان دێ كه‌ڤن.
پارتییا مه ب هه‌موو هێز و شیان و جه‌ماوه‌رێ خۆ كو پشته‌ڤانییا هه‌ڤال مه‌سروور بارزانى یه و بۆ به‌رده‌ومیدان بجهئینانا هه‌موو ئه‌ركێن وى.
مه‌حموود محه‌مه‌د
په‌یڤدارێ پارتى دیمۆكراتى كوردستان
27-8-2024