ناڤەندا نووچەیان – سەما
بهريا چهند ڕۆژان شاندهكێ ناڤهندا چاند و مافێن ئێزدييێن توركيا ل گهل حكومهتا توركيا كۆمبوو، چهندين تهوهر و پرسێن گرنگ بهحس كرن.
ناڤهندا چاند و مافێن ئێزدييان دانهيهكا كۆمبوونا خۆ بۆ سهما هنارتييه و تێدا دياركريه، د ماوێ چهند ڕۆژێن بۆرى دا ل گهل ههر ئێك جێگرێ سهرۆككۆمارێ توركيا و ژمارهكا وهزيرێن حكومهتێ كۆمبوون پێكئانين.
د كۆمبوونێ دا، ڕهوشا ئێزدييان و ئاستهنگييێن دكهڤنه ههمبهرى وان ل باكوورێ كوردستانێ ب شێوهيهكێ گشتى هاتنه بهحس كرن و چهندين داخوازى پێشكێشكى حكومهتێ كرن، ژوان ژى ناساندن و قهبوولكرنا ئۆلا ئێزدييان، نووژهنكرن و پاراستنا مهزارگههێن ئۆلى، كو ئێزدى خوهيێن ڤى وهلاتى نه و دڤێت وهکى ههموو ئۆلێن دى ڕهوشا وان بهرچاڤ بێته وهرگرتن.
ناڤهندێ ئاماژه ب وێ چهندێ دا، رايهدارێن توركيا ب گهرمى داخوازيێن مه ل بهرچاڤ وهرگرتن، كو ل داهاتى كار ل سهر بكهن و پتر گرنگيێ ب دهڤهرێن ئێزدينشين بدهن و مافێن وان دابين بكهن.
ئێزدييێن باكوورێ كوردستانێ يێن كۆچبهرى دهرڤه بووين، نۆكه دوباره ڤهدگهڕنه دهڤهرێن خۆ و دهست ب ئاڤهدانيێ دكهن، ئهو ب هيڤى نه خۆ دناڤ وهلاتێ خۆ دا ببينن و مافێن وان بێنه دان وهكو ههموو پێكهاتهيان.