ناڤەندا نووچەیان – سەما
پشتی 12 سالان ژ ئاوارەییێ، ئيڕۆ 124 خێزانێن دی یێن ئاکنجیێن کەمپا ئێسیان ل سنوورێ قەزا شێخان، لاپەڕێ ئاوارەبوونێ گرت و ب هەماهەنگی دگەل حکومەتا هەرێما کوردستانێ و دەزگەهێ خێرخوازی يێ بارزانی و ڕێکخراوێن نێڤدەولەتی بەرەف دەڤەرێن جوداجودا یێن شنگالێ ب ڕێ کەڤتن.
ئيرۆ رۆژا دوشەمبێ، 24ـى تهباخا 2026، 124 خێزانێن ئاوارەیێن شنگالێ ئەوێن ل کەمپا ئێسيان ئاکنجی ڤهگهڕيانه سهر وارێ خۆ ل شنگالێ.
پير دهيان جهعفهر، ڕێڤهبهرێ كۆچ و كۆچبهران ل دهۆكێ ڕاگههاند، ئيرۆ 24-8-2026 گەڕا ههشتێ يا سالا 2026 یا ڤەگەڕیانا پرۆگرامێ خۆبەخش (FVM) ل کەمپا ئێسیان ب داوی ھات، كو 124 خێزان ژمارا وان دبته 565 کەس ڤەگەڕیانه دەڤەرێن خۆ ل شنگالێ.
پڕۆسە ب ڕێیا دەزگەهێ خێرخوازی يێ بارزانی و ڕێکخراوا (IOM) و ب هاریکاریيا وەزارەتا ناڤخۆ یا حکومەتا هەرێما کوردستانێ و ڕێڤەبەرییا کۆچ و کۆچبەران ل پارێزگەها دهۆکێ دئێته بجهئينان.