ناڤهندا نووچهیان – سهما
مهسرور بارزانی: داخوازێ ژ خهلكێ ههرێما كوردستانێ دكهت پشكداریێ ل ههلبژارتنێن پهرلهمانێ ئێراقێ دا بكهن، ب ئارهزویا خۆ و دوور ژ ههموو فشارهكێ دهنگێ خۆ ب دهن.
سبهیا ئیرۆ سێ شهمبوويێ، 11ـى چریا دووێ 2025، مهسرور بارزانى، سهرۆكێ حكومهتا ههرێما كوردستانێ و جێگرێ سهرۆكێ پارتی دیموكراتی كوردستان د چارچووڤێ دهنگدانا گشتی یا ئهنجومهنێ نوونهرێن عێراقێ ل بنگهههكێ دهنگدانێ ل پیرمام ل سنورێ پارێزگهها ههولێرێ دهنگێ خۆ دا.
پشتی تمامبوونا پرۆسهيا دهنگدانێ كو چهند خۆلهكان ڤهكێشا، سهرۆكێ حكومهتا ههرێما كوردستانێ گوتارهك پێشكێشكر و داخواز ژ وهلاتیێن ههرێما كوردستانێ كر بچنه سهر سندۆقێن دهنگدانێ و ب ئارهزوویا خۆ دهنگێ خۆ بدهن.
گۆتژی: ئیرۆ رۆژا بریارا خهلكی یه و هیڤیدارم خهلك بكارت د سهقایهكێ ئارام و ئازاد دا ب ئارهزوویا خۆ دهنگێ خۆ بدهن، دوور ژ ههر فشارهكێ دهنگێ خۆ بدهن و خهلكهكێ دلسۆز و نشتیمانپهروهر ڤرێكهنه پهرلهمانێ ئیراقێ داكو بهرهڤانیێ ژ مافێن رهوا و مافێن دهستووری بكهن.
مهسرور بارزانی سهرۆكێ حكومهتا ههرێما كوردستانێ ئهڤ ههلبژارتنه ب گرنگ قهلهمدا و دووپاتكر بریارا خهلكی رێرهو و شێوازیێ حكومرانێ ل چار سالێن بهێـت دیاركهت.
جێگرێ سهرۆكێ پارتی دیموكراتی كوردستان هیڤی خواست كۆمسیۆنا ههلبژارتنێن عیراقێ ب ئهمانهت ههتا دوماهیا پرۆسا دهنگدانێ سهرهدهریێ دگهل دهنگدهران بكهت.