كوردستان 24
کۆمسیۆنا بلندا سه‌ربه‌خۆيا هەلبژارتنێن عیراقێ، رێژا پشكداربوونا دەنگدەران هەتا دەمژمێر 12:00ێ نیڤرۆ د دەنگدانا گشتی دا بۆ خۆلا شەشێ یا پەرلەمانێ کوردستانێ بەلاڤکر و راگەهاند کو رێژا پشكداریێ هەتا ڤی دەمی گەهشتیە 31٪.
ل دویڤ ئامارێن کومسیونێ رێژا بەشداریێ ل گۆر بازنان ب ڤی رەنگی بوو:
بازنا هەولێرێ: 34%
بازنا سلێمانیێ: 29%
بازنا دهۆکێ: 31%
بازنا هەڵەبجە: 33%
دەمژمێر 7ێ ئەڤرۆ 20ێ ئۆکتۆبەرا 2024ێ، پرۆسا دەنگدانا گشتی بۆ هەلبژارتنا خولا شەشێ یا پەرلەمانێ کوردستانێ دەستپێکر. د دەنگدانا گشتی دا دوو ملیۆن و 686 هزار و 578 دەنگدەر مافێ دەنگدانێ هەیە، کو ل سەر هەر چار بازنێن هەولێر، دهۆک، سلێمانی و هەڵەبجە دهێنە دابەشکرن.
ژمارا دەنگدەرێن گشتی ل گۆر بازنان:
بازنا هەولێرێ: 933,115 دەنگدەر
بازنا سلێمانیێ: 1,008,412 دەنگدەر
بازنا دهۆکێ: 682,791 دەنگدەر
بازنا هەڵەبجە: 59,300 دەنگدەر
کومسیونا باڵا یا سەربخۆ یا هەلبژارتنێن عیراقێ، هزار و 266 بنکە و شەش هزار و 318 وێستگەهێن دەنگدانێ بۆ هەلبژارتنا گشتی یا پەرلەمانێ کوردستانێ ڤەکرینە.
ژمارا بنکە و وێستگەهێن دەنگدانێ ل گۆر بازنان:
بازنا هەولێرێ: 498 بنکە و 2213 وێستگەهێن دەنگدانێ
بازنا سلێمانیێ: 477 بنکە و 2373 وێستگەهێن دەنگدانێ
بازنا دهۆکێ: 264 بنکە و 1596 وێستگەهێن دەنگدانێ
بازنا هەڵەبجە: 27 بنکە و 136 وێستگەهێن دەنگدانێ
کومسیونا باڵا یا سەربخۆ یا هەلبژارتنێن عیراقێ، ناڤێ هزار و 191 کاندیدان بۆ هەلبژارتنا خولا شەشێ یا پەرلەمانێ کوردستانێ پەسەند کریە و پێشبرکێ ل سەر 100 کورسیێن پەرلەمانێ دکەن.
رۆژا 18ێ ئۆکتۆبەرێ دەنگدانا تایبەت هاتە ئەنجامدان، کومسیونا هەلبژارتنێن عیراقێ راگەهاند کو رێژا بەشداریێ 97٪ بوو.