پتريا دارێن زه‌يتوونان ل باشيكێ ژناڤچووينه
سه‌ما
ژ ئه‌نجامێ ده‌ست بسه‌ردارگرتنا داعشێ بۆ ده‌ڤه‌را باشيك و به‌حزانێ،ب ده‌هان دارێن زه‌يتوونان هاتينه سۆتن و ژناڤچوون.
ده‌ڤه‌را باشيك و به‌حزانێ ب دارێن زه‌يتوونان يا به‌رنياسه و كارگه‌هه‌كا چێكرنا زه‌يتا زه‌يتوونان هاتيه دانان و به‌رهه‌مێ وێ بۆ ناڤه‌راست و باشوورێ عيراقێ دئێنه هنارتن.
سلێمان عومه‌ر،ئه‌ندازيارێ چاندنێ بۆ(سه‌ما)دياركر؛ده‌مێ تيرۆرستێن داعشێ باشيك و به‌حزانێ داگيركرى زه‌ڤيێن زه‌يتوونان ژى بێ به‌هرنه‌بوون ژ كريارێن وان يێن هۆڤانه ب تايبه‌ت ل گوندێن ئێزديان ده‌ست ب سۆتن و ژناڤبرنا دارێن زه‌يتوونان كرن.
ئه‌و چه‌نده ژى ئاشكه‌راكر:هه‌ژمارا دارێن زه‌يتوونان ل گوندێن ئێزديان ل ناحيێ گه‌له‌ك كێمبووينه و ژبه‌ر بهێزبوونا قورمێن داران هێدى هێدى يێ ده‌ست ب گه‌شه‌كرنێ دكه‌نه ڤه.
خواسته‌كا زۆر ل سه‌ر زه‌يتوونێن ناحيا باشيكێ هه‌يه و ژبلى زه‌يتێ بۆ چه‌ند ده‌ڤه‌رێن دى ل هه‌رێما كوردستانێ و عيراقێ دئێنه ڕه‌وانه‌كرن.