ناڤەندا نووچەیان – سەما
مەسرور بارزانی، سەرۆکێ حکومەتا هەرێما کوردستانێ پێشوازییێ ل ڕێککەفتنا د ناڤبەرا حکومەتا سووریا و هێزێن سووریا دیموکرات دکەت و هیڤیخوازە ئەڤ ڕێککەفتنە بەرفرەهـ ببت و ببتە جهێ ئاشتییێ.
ئیرۆ ئینیێ 30ـی کانوونا دووێ 2026، مەسرور بارزانی، سەرۆکێ حکومەتا هەرێما کوردستانێ د پەیامەکێ دا، پێشوازی ل ڕێککەفتنا هەسەدێ و حکومەتا سووریێ کر و هیڤیخواست ئەڤ ڕێککەفتنە پتر بەرفرەهـ ببت و ببتە جهێ ئاشتی، ئازادی، سەقامگیری و پێشکەفتنێ بۆ هەموو سووریا و تایبەت بۆ دەڤەرێن کوردی.
دەقێ پەیاما مەسرور بارزانی:
ئەم پێشوازییێ ل ڕێککەفتنا حکومەتا سووریا و هەسەدێ دکەین، هیڤیدارین ئەڤ ڕێککەفتنە بەرفرەهتر لێ بێت و ببتە ئەگەرێ ئاشتی، ئازادیەکا پتر جێگیر، پێشکەفتنێ بۆ هەموو سووریا و ب تایبەتی بۆ دەڤەرێن کوردی، ببتە دەستپێکەك بۆ دابینکرنا مافێن ڕەوا یێن هەموو پێکهاتەیێن سووریا و ڕێ خۆشکەر بت بۆ ڤەگەڕیانا ب سەربلندی یا ئاوارەیان بۆ سەر مال و جهـ و وارێن وان.
پشتەڤانییا گەلێ کوردستانێ ل هەموو جیهانێ و ب تایبەتی ڕۆلێ سەرۆك بارزانی، د ب داوی ئینانا گرژیاندا و گرتنەبەرا ڕێیا دیالۆگێ بۆ چارەسەرییا بنەڕەتی یا ئاریشەیان، جهێ شانازیێ یە.
مە ڕێز و پێزانین بۆ ڕۆلێ سەرۆك، حکومەت، نووێنەر، کۆنگرێسێ ئەمریکا و وەلاتێن دۆست د ب داوی ئینانا گرژیاندا، پشتەڤانیکرنا مافێن ڕەوا یێن هەموو پێکهاتەیێن سووریا و جێگیرکرنا ئارامییێ ل دەڤەرێ.
مەسرور بارزانی
سەرۆکێ حکومەتا هەرێما کوردستانێ
٢٠٢٦/١/٣٠