ناڤهندا نووچهيان – سهما
زێدهتری شهش ههیڤانه حكومهتا عێراقێ بهڵاڤكرنا ئاهێن خوارنێ ل سهر ئاوارهيێن شنگالێ ل كهمپان ڕاگرتى و هاريكاريێن ڕێكخراوێن نێڤدهوڵهتى ژى كێمبووينه.
هێشتا نێزيكى 300ههزار ئاوارهيێن شنگالێ ل كهمپاندا ل سنوورێ پارێزگهها دهۆكێ دژين و حكومهتا ههرێما كوردستانێ دههموو سكتهران خزمهتا وان دكهت.
سێ شهمبوويێ، 8ـی تهمووزا 2025 ، پير دهيان جهعفهر، ڕێڤهبهرێ كۆچ و كۆچبهران و بهرسڤدانا قهیرانان ل پارێزگهها دهۆكێ سهما ڕاگههاند: ژ دهستپێكا ئیساله ههتا نهۆ بتنێ حكومهتا عێراقێ پشكا ئاهێن خوارنێ یا ههیڤا ئێك بتنێ ل سهر ئاوارهيێن كهمپان بهڵاڤكريه و يێن ههيڤێن دى ڕاگرتيه.
ئاشكراكر:” بهری نوكه ڕێكخراوێن نێڤدهوڵهتی هاریكاری بسهر ئاوارهيان بهڵاڤ دكرن، ب مخابنی ڤه ل دهستپێكا ئيساله و تانوكه 80% هاریكاریێن وان ژی كێمبووینه”.
پير دهيان گۆتژى: حكومهتا عیراقێ ههڤكاریا ئاواران ناكهت، بتنێ حكومهتا ههرێما كوردستانێ ب بهردهوامی د چهندين سكتهرێن گرنگ دا وهكو پهروهرده، ئاڤ، كارهبا و ساخلهمی بۆ ئاواران دابینكرینه.
دهربارهى ژماران ئاواران ل كهمپان، ڕێڤهبهرێ كۆچ و كۆچبهران دياركر، نێزیكی 20ههزار خێزانێن ئاواره ل كهمپان و 35ههزار ژی ل دهرڤهی كهمپان دژين، كو سهرجهمێ گشتی دبنه 280 ههزار ئاواره.