ناڤهندا نووچهیان – سهما
مەسرور بارزانی، سهرۆكێ حکومەتا هەرێما کوردستانێ پهيامهك دهربارەی لێكتێگههشتنا ههڤبهش يا هەردوو حکومەتێن هەرێما کوردستانێ و فیدراڵ بهڵاڤكر و ڕاگەهاند، ژ پێناڤى بەرژەوەندیان و کێمکرنا فشارێ ل سەر خەلکێ کوردستانێ، حكومهتا ههريما كوردستانێ هەموو نەرمی نیشاندا و پابەندیا خۆ ب تمامی بجهئینان. گۆتژى: من پێزانین بۆ خۆراگریا و پشوو درێژیا خەلکێ کوردستانێ هەیە.
پێنج شەمبوويێ، 17ـی تەممووزا 2025، مهسرور بارزانى، سهرۆكێ حکومەتا هەرێما کوردستانێ د پەیامەکێ گۆت: پشتی کو حکومەتا هەرێما کوردستانێ ژ پێناڤ بەرژەوەندیان و کێمکرنا فشارێ ل سەر خەلکێ کوردستانێ، هەموو نەرمی نیشاندا و پابەندیا خۆ ب تمامی بجهئینان، پشتی گەلەک بزاڤ و گوتوبێژان، ئيڕۆ جڤاتا وەزیرێن فیدراڵ ژی ڕازەمەندی ل سەر لێکتیگەهشتنا هەڤبەشا دناڤبەرا هەردوو حکومەتیێن هەرێمی و فیدرال دا پێشوازیێ ل ئەوێ پێنگاڤێ دکەین و چاڤەرێ نە حکومەتا فیدرال مووچە و شایستێن دارایی یێن هەرێما کوردستانی ڕەوانە بکەت.
سهرۆكێ حکومەتا هەرێما کوردستانێ دپهياما خۆ دا ئاماژه ب وێ چهندێ دا، من پێزانین بۆ خۆراگریا و پشوو درێژیا خەلکێ کوردستانێ هەیە، هەروەسا سوپاسیا ماندیبوونا هەموو کەس و لایەنەکێ دکەم کو بزاڤ بۆ چارەسەرکرنا کێشا مووچەی داییە و هاریکار و پشتەڤانێن مە بوون.
مەسرور بارزانی ڕاگههاند ژى، هێڤیدارم مووچە و شایستێن دڕایی، کو مافەکێ ڕەوایێ خەلکێ کوردستانێ یە ئێدی تێکەلی هیچ کێشە و هەڤرکیێان نەهێتەکرن و د چارچوڤێ دەستوری و ب ڕێزگرتن ل ڕێککەفتنێ، کێشێن خۆ چارەرسەر بکەین.
ل داوييا پهياما سهرۆكێ حكومهتێ دا هاتييه، دڤێت داوى ب ئەوان هێرشان بهێت ئینان کو بۆ سەر هەرێما کوردستانێ دهێنەکرن ب تایبەتی زەڤیێن نەفتێ، هێڤدراین حکومەتا فیدرل هاریکار بیت ژ ڤەدیتنا ئەوان تێکدەران و گرتنەبەرا ڕێکارێن یاسایی دژی وان.