ناڤهندا نووچهیان – سهما
ئيرۆ ئێك شهمبوويێ ئێكى ئادارا 2026، ب ڕاسپاردێن وهزیرێ وهزارهتا نافخۆ یا حكومهتا ههرێما كۆردستانێ و ب سهرپهرشتیا ماجد سهید سالح، ل شوونا پارێزگارێ دهۆكێ و ب ئامادهبوونا قایمقامێن قهزایێن سنوورێ پارێزگهها دهۆكێ و هژمارهكا ڕێڤهبهرێن دامۆدهزگایێن ئێمناهیێ و خزمهتگۆزاری، كۆمبۆنهكا تایبهت ل دۆر ڕهوشا گشتی یا ههرێما كۆردستانێ و نووترین پێشهاتێن دهڤهرێ هاته ئهنجامدان.
ب گۆڕهيى ڕاگههاندا پارێزگهها دهۆكێ، د كۆمبوونێ دا بهحسێ ئامادهكاریێن دابینكرنا سلامهتیا وهلاتیان د ههر بارودۆخهكێ نهچاڤهرێكریدا و چاڤدێریا بازارا و سهرجهم پێدڤیێن وهلاتیان و ڕێگریكرن ل وان جهێن بارودوخێ نۆكه ب دهرفهت دبینن و كهلۆپهلان ب گرانی د فرۆشن، ههروهسا جهێن بهایێن سوتهمهنیا گران دكهن هاتهكرن.
ههروهسا سهبارهت ڕهوشا كارهبا 24دهمژمێری كو ژ سهدهمێ شهڕ و ناكۆكیێن دهرهكی و سنووری و مهترسیا ل سهر چهند جهێن بهرههمئینانا سوتهمهنیێ ل ههرێما كۆردستانێ و عێراقێ كێمبوویه بریار هاتهدان كۆمبۆنهكا تایبهت دگهل كۆمهڵا موهلیدا بێتهكرن بۆ هندێ دڤان ڕۆژاندا و ل دهمێن نهمانا كارهبا گشتی كار بكهن.