سه‌ما
ئيرۆ دوشەمبوويێ 23-09-2024 ێ، مەسرور بارزانی، سەرۆکێ حکومەتا هەرێما کوردستانێ، پێشوازی ل جانێت ئەلبێردا، باڵیۆزا نوو یا شاهنشینا هۆلەندا ل عێراقێ کر.
مەسرور بارزانی، زێده‌باری پیرۆزباهییێ ب هه‌لكه‌فتا دەستبکاربوونا وێ، هەموو پشته‌ڤانییەک بۆ بالیۆزێ دەربڕی، ژ پێخه‌مه‌تی پێشڤه‌برنا زێده‌تر یا پەیوەندییێن دولایەنی” هەروەسا سوپاسییا پشته‌ڤانییا بەردەواما هۆلەندا کر، ب تایبەتی ل پشته‌ڤانییا چاکسازییێن حکومەتا هەرێما کوردستانێ ل هەمەجۆرکرنا ئابووری و پێشخستنا کەرتێ چاندنێ و کارکرن بۆ دابینکرنا ئاسایشا خوارنێ”.
بالیۆزا هۆلەندا، “ستایشا پێشکەڤتن و چاکسازییێن کابینا نه‌هێ کر، ب تایبەتی د بیاڤێ ب دیجیتالکرنا خزمەتگوزارییان و چاکسازیکرن ل کەرتێ بانکی”.
تەوەره‌كێ دیتر یێ گوتۆبێژان، ته‌كه‌زكرن بوو ل سه‌ر گرنگییا ئه‌نجامدانا پرۆسا هەڵبژارتنێن پەرلەمانێ کوردستانێ د ره‌وشه‌كا ئارام و دادپەروەرانە و دوور ژ پێشێلکاری و سه‌ختەکارییێ” هەردو ئالی هه‌ڤڕابوون ل سەر پێدڤییا چاڤدێرێکرنا پرۆسا هەلبژارتنان ژ لایێ چاڤدێرێن نێڤدەولەتیڤە.