زمانێ مە
گۆھار مامۆ
زمانێ مە شیرین ئەم ھێ زندی نە،
ب ھەبوونا تە ڤە ئەم زندی مانە
نە زولم، نە کۆچبەری، نە ئه‌نفالا
ئێشا خوە ڤە مە ھێ نەھەلاندنە
زمانێ مە ئەم ب تە ڤە ھێ ھەنە
دەولەمەندییا تە ڤە سەربلند
چاندا خوە دە ئاستا باش دە نە،
چمکی ھەبوونا تە پر کەڤنادارە
ئەم بێدەولەت بوون، لێ ھەبوو زمان
ئەم نەشکەستینە و ئەم زندی مانە،
ئێش و ئازارێن مە سەر زمان مانە،
نڤیس، سترانێن مە دە ھوناندنە
زمانێ مە ئەم ب تە ڤە دژین، ھەنە،
ب تە ڤە ژییان ب کوردی بەردەوامە
کوردییا مە راستاقین وێ تم ھەبە-
ئەڤ زمانێ مە وەکە شیرێ دێ ھەلالە
ھەر چەندین ژی ئەم بێ دەولەت بوونە،
زمانێ مە شیرین تە پەر دایە مە
ئەم تە ڤە فرییانە، ناڤ ھێڤی مانە،
ھێلینا خوە ژی ب تە ڤە گەرم کرنە