سهما:
پەرتووکا (من ژ زۆرداریێ ڕا گۆت: نە!) کو بیرەوەریێن پێشمهرگه و خەباتکەر “عەلی حاول بەکۆ”ینە هاته وهشاندن.
پەرتووک، ل بەراهیێ ب زمانێ عەرەبی هاتییە نڤیسین و چاپکر و ژ لايێ نڤيسكار شهمال ئاكرهيى بۆ زمانێ كوردى هاتييه وهرگێران.
چاپا کوردی یا پەرتووکێ (472) بەرپەڕن و ب شێوەیەکێ نایاب و جوان هاتییە چاپکرن.
دڤێ پەرتووکێ دا، ناڤبری ئاڵنگاری ئانکو تحدیاتێن لەشکرییا زۆرەملی، فیلاربوون ژ سەربازیێ، چەندین جاران رەڤین ژ زیندانێن ڕژێما بەعس، خەونا ئازادیێ، ڕۆژێن خەباتا چەکداری ل چیایى ل سەردەمێ شۆڕەشا گولانێ، ئۆپەراسیۆنێن پێشمەرگە و ئەنسارێن حزبا شیۆعی، ئەنفالێن ڕەش، ژ دەستدانا ٢٧ کەسان ژ مالباتا خۆ و گەلەک بابەتێن دی یێن سەرنجڕاکێش و گرنگ، ڤەدگێڕت.
گرنگییا ڤێ پەرتووکێ، د وێ چەندێ دایە، نفشێ نوو پێگەهشتی دێ سەرهلی بارودۆخێ وی سەردەمی بت کا هۆڤاتى و زۆردارییا بەعسییا چەند بوویە و مللەتێ مە هە تا چ ئاست ئەشکەنجە و نەخۆشی و دەردەسەری دیتینە و پێشمەرگەیان چ وێرەکی و ورە و باوەڕی ب دۆزا خۆ هەبوویە، هەتا مللەتێ مە گەهشتییە ئازادییا ئيڕۆ.
پێشمهرگه و خەباتکەر عەلی حاول بەکۆ، خەلکێ ناحیا خانکێ یە یا سەر ب قەزا سێمێلێ و نوکە ل وهلاتێ ئەڵمانیا دژيت.