سه‌ما
پێش نیڤڕۆیا ئيرۆ دووشەمبوويێ، 9 ئیلۆنا 2024ێ، ل سەلاحەددین، سەرۆک مەسعود بارزانى پێشوازى ل خانما ئەلینا ڕۆمانۆڤسکى، بالیۆزا ئەمریکا ل عیراقێ کر.
د دیدارێ دا، ستێڤن بینەر، کۆنسوولێ گشتى یێ ئەمریکا ل هەولێرێ ئامادە بوو، بالیۆزا ئەمریکا ل عیراقێ ئاماژە ب ئەنجامێن دوماهيێ يێن سەره‌دانا سەرۆک بارزانى بۆ بەغدا کر، کو کاریگەریەکا زۆر هەبوو ل سەر بینينا لایەنێن سیاسى یێن عیراقێ و دروستکرنا کەشەکێ گونجاى بۆ سه‌ره‌ده‌ريكرنێ ل گه‌ل پرسێن جودا جودا.
هەر د وێ دیدارێ دا بەحس ل بارودۆخێ سیاسى یێ عیراقێ و ده‌ڤه‌رێ و هەڵبژارتنێن پەرلەمانێ کوردستانێ د مەها ئۆکتۆبەرا داهاتى دا و پێویستیا ب ڕێڤەبرنا کەمپەینان د کەشەکێ ئازاد و دوور ژ گرژى دا هاتە کرن.
پرسا مانا هێزێن هه‌ڤپەیمانان ل عیراقێ و هێرشێن تیرۆرێ ل سەر عیراقێ و ده‌ڤه‌رێ تەوەرێن دى یێ وێ دیدارێ بوون.