سه‌ما
ئيرۆ شەمبوويێ، سەرۆک وەزیرێن عيراقێ محەمەد شیاع سوودانی، به‌ره‌ف نیویۆرک ب رێكه‌فت بۆ بەشداریێ د کۆمبوونێن کۆمەلا گشتی یا نەتەوەیێن یەکگرتی دا بکەت.
نڤیسینگەها راگەهاندنا سەرۆک وەزیران دیارکر، سەرۆکێ ئەنجوومەنێ وەزیران محەمەد شیاع سوودانی ژ بەغدا بەرەڤ نیویۆرک ب رێكه‌فت، بۆ بەشداریێ د کۆمبوونێن کۆمەلا گشتی یا نەتەوەیێن یەکگرتی د خۆلا خۆ یا هەفتێ و هەفتێ دا بکەت.
ئاماژه كريه، سەرۆک وەزیران دێ گۆتارا عیراقێ ل بەر کۆمەلا گشتی پێشکێش کەت، هەروەسا دێ گۆتارەکێ د گۆپيتكا پێشەرۆژێ دا پێشکێش کەت کو گەلەک سەرکردە و سەرۆکێن وەلاتان تێدا بەشدار دبن، و گرنگیێ ددەتە بهێزکرنا هەڤکاریێ و بەرەنگاربوونا چالاکیان و دووپاتكرنا پابەندبوونان.
هەروەسا گۆت: سوودانی دێ زنجیرەیەکا هەڤدیتن و دانوستاندنان ل گەل ژمارەکا سەرکردە و سەرۆکێن وەلاتێن دۆست، و سەرۆکێن شاندێن بەشدار ئەنجام دەت، ژبلی هەڤدیتنا ل گەل سکرتێرێ گشتی یێ نەتەوەیێن یەکگرتی، و ژمارەکا بەرپرسێن رێکخراو و دەستەیێن نێڤدەولەتی و نەتەوەیی.”