وەزارەتا دارایی ڕاگەهاندنەك دەربارێ دابەشكرنا فۆرمێن زەڤیان به‌ڵاڤ کر

سه‌ما

سەبارەت ب دابەشکرنا فۆرمێن زەڤیان بۆ فەرمانبەران و مووچەخۆران ب تایبەت رێکخراوان، وێ نووچەیێ رەت دکەین کو دبێژیت وەزارەتا دارایی و ئابووری رێگرە ل دانا فۆرمێن زەڤیان ب وان فەرمانبەران و مووچەخۆران.

وەزارەتا دارایی و ئابووری دياركر،وەزارەتێ چ پەیوەندیەک ب دانا فۆرمێ و دابەشکرنا زەڤیان ب سەر فەرمانبەران و مووچەخۆران نینە و دوویر و نزیک ئەم پشکەک نینە ل وی بابەتی.

هه‌روه‌سا ئاماژه‌ ب وێ چه‌ندێ دا هەمی ئەو رێنمایی و رێکا و خاڵبەندی بۆ دانا زەڤیان بۆ فەرمانبەران و خانەنشینان و هەمی تەخ و چوونێن دیاریکری ل تایبەتمەندی و دەسهەلاتا وەزارەتا باژێرڤانی و گەشت و گوزارێ یا هەرێما کوردستانێیە.

دپشكه‌كا دى يا راگه‌هاندنێ دا هاتيه‌، ئەو کەس و لایەنێن وەزارەتا دارایی ب رێگر ل دانا فۆرمێن دابەشکرنا زەڤیان ب سەر فەرمانبەران و مووچەخۆرێن رێکخراوان تۆهمەتبار کریە و چ زانیاری ل دوور رێکار و شێوازێ دابەشکرنا فۆرمێن زەڤیان ب سەر فەرمانبەران نینە و راستبێژ نەبوون.