ناڤه‌ندا نووچه‌يان – سه‌ما
دانوستاندنێن جڤاتا ئێزديێن سووريێ ل گه‌ل وه‌لاتێن ئه‌ورۆپى و ئه‌مريكا و پارتێن سووريێ، بۆ بده‌ستڤه‌ئينانا مافێن ئێزديان ده‌ستپێكرييه.
شه‌مبوويێ، 12ى نيسانا 2025، كندال ره‌مۆ، ئه‌ندامێ جڤاتا ئێزديێن سوريا بۆ سه‌ما راگه‌هاند: پشتى حكومه‌تا نوو يا سووريێ هاتيه پێكئينان، ئێزدی ژ هەموو مافان هاتنە بێ بەهر کرن و ڤێ چه‌ندێ دلگرانكرينه.
ئه‌ندامێ جڤاتا ئێزديێن سووريا ئاشكراكر:” ژبۆ بده‌ستڤه‌ئينانا مافێن ئێزديان، وه‌كو جڤات ده‌ست ب دانوستاندنان ل گه‌ل وه‌لاتێن ئه‌ورۆپى و ئه‌مريكا و پارتێن سووريێ كرييه، ژبه‌ركو نابت ئێزدى د حكومه‌تا نوو دا بێنه پشتگۆهـ هاڤێتن”.
ناڤبرى ديار ژى كر، ئێزديان گه‌له‌ك نه‌خۆشى و سته‌م ل سووريێ ديتيه، ئه‌ڤجا دڤێت به‌شدارى حكومه‌تا نوو ببن و د ده‌ستوورێ وى وه‌لاتى دا ب فه‌رمى ئۆلا ئێزديان بێته ناساندن.