سه‌ما
شڤان، كورته فلمه‌كێ كوردیه ژ ده‌رهێنانا (سه‌رهات نا‌ریمان) ی یه، ل چاره‌مين ڤيسته‌ڤالا فلمێن كوردى_مۆسكو يا كورته فلمان پشكداره، كو برياره ل ڤێ مه‌هێ ل پايته‌ختێ روسيا بێته گێران.
ده‌رهێنه‌رێ گه‌نجێ ئێزدى سه‌رهات نا‌ریمان بۆ سه‌ما راگه‌هاند: كورته فلمێ وی یێ ب ناڤێ “شڤان” دێ پشكداريێ د ڤیستیڤاله‌كا سینه‌مایی یا نێڤده‌وله‌تى دا ل وه‌لاتێ روسیا كه‌ت، ئه‌ڤ پشكداريه دێ بته چاره‌مین جار كو ئه‌ڤ فلمه ل ڤیستیڤاله‌كێ دئێته نیشاندان، فلم ل ساڵا 2023ێ دا هاتیه به‌رهه‌مئینان و هه‌تا نهۆ پشكدارى د پێنج ڤیسته‌ڤالان دا كریه، ئێك ژ وان ل باژێرێ دهۆكێ بوويه و ل ڤيسته‌ڤاله‌كا نێڤ ده‌ولاتى ل وه‌لاتێ هندێ خه‌لاتێ باشترین كورته فلم وه‌رگرتيه.
ده‌رباره‌ى چيرۆكا كورته فلمى سه‌رهاتى دياركر، چیرۆكا فلمی ل سه‌ر دوو شڤانایه كو د گونده‌كی دا دژین و په‌ز و مریشكان خوه‌دی دكه‌ن، رۆژه‌كێ، په‌زێ وان ژ هه‌ڤ به‌لاڤ دبن و چه‌ندین روودان پێك دئێن، گۆتژى ئه‌ڤ كورته فلمه ب شێوازێ ئاشووپا زانستی هاتیه چێكرن، شێوازه‌كه كو ل كوردستانێ كێم دئێته بكارئینان.
هه‌روه‌سا دبێژت: فلم ب ستافه‌كێ ژ چه‌ند كه‌سان پێكهاتى يێ بچووك و ب بودجه‌یه‌كا كێم هاتیه به‌رهه‌مئینان.
دا زانين ژى ئه‌ڤ پشكداريه ل روسیا دێ بته ده‌رفه‌ته‌ك بۆ نیشاندانا هۆنه‌را كوردی ل سه‌ر ئاستێ نێڤ ده‌وله‌تى.
چارەمین ڤيسته‌ڤاڵا فلمێن کوردی ل مۆسکۆ بڕیارە ل ڕۆژانێن 18 بۆ 22ی ڤێ مه‌هێ ب رێڤه‌بچن.