كار ل سه‌ر ئاڤاكرنا هه‌ژماره‌كا هۆلێن بيره‌وه‌ريان ل خانكێ دئێته‌ كرن

سه‌ما
هه‌ژماره‌كا هۆلێن بيره‌وه‌ريێن جڤاكى ژلايێ خێرخواز و خه‌لكى ڤه‌ ل ناحيا خانكێ دئێنه‌‌ دروستكرن و ئاڤاكرن، نۆكه‌ كار ل قۆناغێن داويێ دايه‌.

سه‌باح سمير، ئێك ژ كه‌سايه‌تيێن ناحيا خانكێ بۆ سه‌ما دياركر، ل هه‌ر ئێك ژ گوندێن(زه‌ينيا،خێراڤا،كه‌به‌رتوو،خانكا كه‌ڤن، قەسرئێزدین) ژلايێ خێرخواز و خه‌لكى ڤه‌ ده‌ست ب ئاڤاكرنا هۆلێن خێر و شه‌ران و بيره‌وه‌ريێن جڤاكى هاتيه‌ كرن، دوو ژ ڤان هۆلان هاتينه‌ ڤه‌كرن و سێ هۆلێن دى هێشتا دقۆناغا كاركرنێ دانه‌ و برياره‌ ل ده‌مه‌كێ نێزيك ده‌ ئه‌و ژى ب داوى بێن و بكه‌ڤنه‌ دخزمه‌تا خه‌لكێ ده‌ڤه‌رێ دا.

ئه‌و دبێژت:ل خانكێ دوو هۆلێن لالش ژلايێ حكومه‌تا هه‌رێما كوردستانێ ڤه‌ هاتينه‌ دروستكرن، هه‌روه‌سا ده‌ڤه‌ر به‌رفره‌هبوويه‌ و ئاڤاكرنا ڤان هۆلێن نوو يێن بيره‌وه‌ريان دێ گه‌له‌ك گرنگيا خۆ هه‌بت ب تايبه‌ت ل ده‌مێ هه‌ر هه‌لكه‌فته‌كا جڤاكى دئێته‌ كرن.

ناحيا خانكێ سه‌ر ب قه‌زا سێمێلێ ڤه‌يه‌ و دكه‌فته‌ رۆژئاڤايێ باژێرێ دهۆكێ و پتريا ئاكنجيێن وێ ئێزدينه‌.