ناڤەندا نووچەیان – سەما
بهرپرسێ لقێ ئێك يێ پارتى ديموكراتى كوردستان پيرۆزباهييا بادين حهسۆ كر پشتى سهركهفتنا د ياريا نێڤدهولهتى يا بۆكسينكێ دا تۆماركرى.
د. نەوزاد عەبدوللا، بەرپرسێ لقێ ئێک یێ پارتی دیموکراتی کوردستان پهيامهك بۆ سهركهفتنا قههرهمانێ جيهانى و کوڕێ دلسۆزێ باژێڕێ دهۆکێ بادين حهسۆ زۆزانى بهلاڤ كر و تێدا هاتييه:
ب شانازی و سەربلندی ڤە، گەرمترین پیرۆزباهییێن خۆ ئاراستەی قههرەمانێ جیهانی و کوڕێ دلسۆزێ باژێڕێ دهۆکێ “بادین حەسۆ زوزانی” دکەم، بۆ ب دەستڤەئینانا سێیەم قایشا نێڤدەولەتی یا( WBC) د یاریا خۆ یا 49ێ دا.
ئەڤ سەرکەفتنا ديرۆكى، ئەڤ سەرکەفتنا دیرۆکی هێمایێ ئیرادە و هێزا پۆلایین یا گەنجێ کوردە. بلندكرنا ئالایێ پیرۆزێ کوردستانێ و چڕینا دروشمێن نەتەوەیی د ناڤدەولەتیترین گۆڕەپانێن جیهانێ دا، جهێ شانازییا مە هەموو لایەکی یە.
ئەم وەک لقێ ئێک یێ پارتی دیموکراتی کوردستان، پشتهڤانییا خۆ یا هەمیشەیی بۆ لاو و داهێنەرێن پارێزگەها دهۆکێ دووپات دکەینەڤە. هیڤییا بەردەوامیيێ بۆ قههرەمانێ مە دخوازین و هەمیشە ناڤێ کوردستانێ ب سەرکەفتنێن وە یێ بلند بت.
شهڤێدێ قەهرەمانێ جیهانی یێ بۆکسینکێ بادین حەسۆ، ب فەرمی ب ناڤێ کوردستانێ یاریا خۆ یا جیهانی ئەنجام دا و سەرکەفتن ل سەر قەهرەمانێ مەکسیکی ڤیکتۆر ڕامۆس ب دەست ڤە ئینا.
بۆ جارا ئێکێ یە بۆکسنڤانەکێ کورد ب فەرمی بناڤێ کوردستانێ وەلاتێ شرین یاریا خۆ یا جیهانی ئەنجام بدەت و سرودا نشتیمانی ئەی رەقیب ب فەرمی د یاریگەهێن نێڤدەولەتی دا بێتە گۆتن و ئالایێ پیرۆزێ کوردستانێ بلند بێتە هلدان.