سه‌ما
دەستهەلاتدارێن سوید تۆمەتا تاوانێن جینۆساید و شەرێ مەترسیدار یێن دژی ژن و زارۆكێن ئێزدی ل سوریا، ددەنە پاڵ ژنەكا سویدی.
پێنج شه‌مبوويێ 19ئيلۆنا 2024، دەستهەلاتدارێن سوید تۆمەتا تاوانێن جینۆساید و شەرێ مەترسیدار یێن دژی ژن و زارۆكێن ئێزدی ل سوریا، دانە پاڵ ژنەكا سویدی ب ناڤێ لینا لەینا ئیسحاقی یا 52 سالی.
دەسهەلاتدارێن سوید ئاماژە ب وێ چه‌ندێ دكەن، لینا لەینا ئیسحاق د ناڤبەرا سالێن 2014 هەتا 2016 ل رەققه پایتەختێ داعش، چەندین تاوانێن دژی مرۆڤایەتیێ ب تایبەت دژی ژن و زارۆكێن ئێزدی كرینە.
د ڤێ دەرباره‌ى دا رینا دیڤگۆن، داخوازكارێ گشتی یێ باڵا یێ سوید د راگەهاندنەكێ دا گۆت: ئەڤە ئێكەم جارە تاوانبارێن داعش كو دژی ئێزدیان تاوان كرین، ل سوید دئێنه دادگەهكرن.
هەروەسا ل گۆر راگەهاندنەكا دی یا دادگەها دادی یا ستۆكهۆلم، لینا لەینا ئیسحاق د ناڤبەرا سالێن 2014 هەتا 2016 ل رەققە چەندین ژن و زارۆكێن ئێزدی دەستبەسەر كرینە و ئەشكەنجەیێن گران یێن لەشی و دەروونی دایینێ و مافێن وان یێن سەرەتایی ل سەر بنگەهێ رەوشەنبیری، ئایینی و زایەندی ژێ ستاندینە، كو ئەڤە ژی پێشێلكرنا تەمام یا یاسایێن نێڤدەولەتی یە.
دادگەها دادی یا ستۆكهۆلم سەرنجا خوە بۆ وێ یەكێ راكێشایە، تۆمەتبار ئارمانجا وێ ژناڤبرنا تەمام یان بەشەكێ ژ ئێزدیان بوویە وەك بەشەك ژ وێ ململانێ و شەرێ چەكداری یێ كو دژی وێ پێكهاتێ هاتیە كرن.