سه‌ما
نيشانگه‌ها شێخێ زەری كو دكه‌فته گوندێ ربێبی یا کەڤن ل ناحيا خانكێ، پشتى 42 سالان دووباره ده‌ست ب نووژه‌نكرن و قۆناغا ئاڤاكرنێ هاته كرن.
صباح سمير،ژ مالباتا شێخ سمير شێخ جۆزل بۆ سه‌ما دياركر، قوبا شێخێ زەری به‌رى 42 سالان هاتبوو ئاڤاكرن، پشتى سالا 2003 ب گێچێ هاتبوو نووژه‌نكرن، بۆ هندێ جاره‌كا دى بێته نووژه‌نكرن ره‌زامه‌نديا ده‌سته‌كا گوندێ ربێبيێ وه‌رگرت و ب به‌خشينا خه‌لكێ گوندى و خێرخوازێن ئێزدى ليژنه‌يه‌ك بۆ كۆمكرنا هاريكاريا دارايى هاته پێكئينان، ل رێككه‌فتى 12/9/2024ێ ب ئاماده‌بوونا بابێ شێخێ و کۆمەکا کەسایەتی و ریهـ سپى و مجێور، ب دوعا و درۆزا خاسا دەست ب ڕێورەسمێن نووژەنکرنێ ب چه‌ند قۆناغان هاتەکرن.
گۆت ژى: وه‌كو مالباتا شێخ سمير سه‌رپه‌رشتيا نووژه‌نكرنێ دكه‌ين و نۆكه قۆناغا ئاڤاكرنێ ب شێوازه‌كێ جوان و كه‌ڤنار وه‌كى خۆ ده‌ستپێكريه.
قوبا شێخێ زەری ل سه‌ر ده‌ستێ خودێ ژێ رازى شێخ زه‌يدين شێخێ شه‌مسايه دبته بابێ قه‌ولبێژ شێخ ده‌شتى، ل 15/6/1982 هاتيه ئاڤاكرن.