ناڤەندا نووچەیان – سەما
دادگه‌هه‌كا لاهای سزايێ 10 ساڵێن زیندانێ بسەر وه‌ڵاتییەکا هۆڵەندیدا سەپاند، ئەڤه ژى ب ئه‌گه‌رێ پەیوەندیکرنێ بوو دگه‌ل داعشێ و كچه‌كا ئێزدى وه‌كو كوێله بكارئينايه.
دادگه‌هێ سزایێ زیندانکرنێ بۆ حەسنا ئەی، کو ئافرەته‌كا تەمەن 33 ساڵى يه و ئاكنجيا ڕۆژهەڵاتێ هۆڵەندایە دەرکر، سزا ب توهمه‌تا ب کوێلەکرنا كچه‌كا ئێزدی و دڵسۆزیا وێ بۆ داعش و تاوانێن تیرۆرستان و هەروەسا گیانێ کوڕێ خۆ يێ بچووک ئێخستبوو دمەترسيێ دا.
دادگه‌هێ ل رۆژا چارشەمبوويێ، 11ی کانوونا ئێكێ 2024، د بەیاننامەیەکێ دا راگەهاند “کوێلەکرنا كچه‌كا ئێزدی تاوانه‌كا دژى مرۆڤایەتیێ یە”.
هەر لدووڤ بەیاننامێ، حەسنا ئەی، ل سالا 2015 ل گەڵ کوڕێ خۆ يێ 4 ساڵى چووينە سووریێ، ئەو ژى پشتى شەش هه‌يڤان بوو ل راگەهاندنا کۆنتڕۆڵکرنا ده‌ڤه‌رێن وى وه‌لاتى بوو.
ب گۆڕه‌ى گۆتنێن دادگه‌هێ، “كه‌سا سزادايى ل سووریا هه‌ڤژينى ل گەڵ چەکداره‌كێ وێ ڕێکخراوێ دا کريە و زارۆكه‌ك ژێ بوو، پاشى بۆ ماوەیەکى ل ماڵا چەکداره‌كێ دی دا ژيايه کو كچه‌كا ئێزدی کريە ب کوێلە”.
دادگه‌هێ سەلمانديه، وه‌ڵاتیە هۆڵەندی ئاگه‌هداری کارێن ڕێکخراوێ بوو و چوو ئاسانکاری بۆ ژیانا كچا ئێزدى نەکريە “.
ئاماژە ب وێ چه‌ندێ دا، ” ئه‌ڤ كه‌سا سزادايى فەرمان ل كچا ئێزدی کريە کارێن ناڤماليێ بكه‌ت و هايدارى كوڕێ وێ ببت”.