سەما
وه‌كیلێ میرێ ئێزدیان ئاماژێ ب وێ چەندێ دکەت، كو ڤه‌كێشانا رێكخراوا “یونیتاد” دێ كارتێكرنێ ل سه‌ر پرۆسەیا كۆمڤه‌كرنا به‌لگه‌یێن جینۆسایدا ئێزدییان كەت و رۆله‌كێ گه‌له‌ك گرنگ د ڤی واری دا دگێرت.
ئیرۆ دووشەمبوویێ 23ی ئیلۆنا 2024ێ، جەهوەر عه‌لی به‌گ، وەکیلێ میرێ ئێزدیان بۆ کاروبارێن پەیوەندیان بۆ سەما راگەهاند: یونیتاد ب سالانه كارێ كۆمڤه‌كرنا زانیاری و به‌لگه‌یان ل سه‌ر جینۆسایدا ئێزدییان دكەت، وان گه‌له‌ك دیكیۆمێنت و ڤیدیۆ كۆمكرینه كو بوویه بناغه‌یه‌كێ گرنگ بۆ دادگه‌هكرنا تاوانباران.
گۆتژی: رێكخراوا یونیتاد خودان شاره‌زایی و پسپۆرێن تایبه‌ت بوو د ڤی واری دا، وان تیمێن پسپۆر هه‌نه و ڤه‌كێشانا وان دێ ڤالاتییه‌كا مه‌زن د ڤی واری دا چێكەت.
ناڤهاتی ئاماژە ب گرنگیا كارێ یونیتاد بۆ دادپه‌روه‌ریێ كر و گۆت “به‌لگه‌یێن یونیتاد كۆم كرین، بناغه‌یه‌كێ گرنگن بۆ ناسینا جینۆسایدێ و ئه‌گه‌ر ئه‌ڤ كاره راوه‌ستت، دێ كارتێكرنه‌كا نه‌رێنی ل سه‌ر مه ئێزدیان كه‌ت.