سه‌ما
برياره سبه‌ى ڕێورەسمێن جەمایا شەرفەدین ل باكوورێ چيايێ شنگالێ، بۆ ده‌مێ دوو ڕۆژان بێ ئاهه‌نگ و خۆشى ب رێڤه‌بچن و ب تنێ دێ رێوره‌سمێن ئۆلى ئێنه گێران.
شێخ ئيسمايل به‌حری، مجێورێ مه‌زارگه‌هێ شه‌رفه‌دین ل دۆر گێرانا رێوره‌سمان بۆ سه‌ما دبێژت:سبه‌ى رۆژا پێنج شه‌مبوويێ 5ى ئيلۆنێ، ب پشكداريا ب هه‌زاران خه‌لكێ شنگالێ ڕێورەسمێن جەمایا شەرفەدین بۆ ده‌مێ دوو رۆژان دێ ده‌ست پێ كه‌ن، ئه‌م خه‌لكێ خۆ ئاگه‌هدار دكه‌ين كو ئيساله ژبه‌ر چه‌ند هۆكارێن ئێمناهيێ بتنێ دێ رێوره‌سمێن ئۆلى ب رێڤه‌چن و ئاهه‌نگ و خرڤه‌بوونێن خه‌لكى نابن.
به‌حرى ديارژى كر، جه‌مایا شه‌رفه‌دین ئێك ژ هه‌لكه‌فتێن ئۆلى يێن پيرۆزه ل جه‌م ئێزدیان، سالانه ل ڤى ده‌مێ سالێ ب به‌رهه‌ڤبوونا هه‌زارێن خه‌لكى رێوره‌سمێن ئۆلى دئێنه گێران و ئه‌م دخوازن ئه‌ڤ هه‌لكه‌فته ببته ببته مايا تفاق وته‌بايێ بۆ ته‌ڤايا ئێزديان.
مه‌زارگه‌هێ شه‌رفدين دووه‌م مه‌زارگه‌هێ پيرۆز يێ ئێزديايه پشتى په‌رستگه‌ها لالش، ل جه‌مايێ خه‌لك خرڤه دبن ژبۆ ب رێڤه‌برنا رێوره‌سمان.