ناڤهندا نووچهیان – سهما
ئیرۆ چارشهمبوویێ ل رێكهفتی 16ـی تهمموزا 2025ێ، د كۆمبوونهكێ دا ب سەرپەرشتییا ڕێزدار مەسروور بارزانی جڤاتا وەزیرێن هەرێما کوردستانێ و ب ئامادهبوونا قوباد تالهبانی جێگرێ سهرۆكوهزیران لێكتێگههشتنهكا تایبهت ل دۆر سهر مووچه و شایستهیێن دارایی دیاركرن.
ل دەستپێکا کۆمبوونێ، جڤاتا وەزیران ب توندی هێرشین تیرۆرستییێن سەر هەرێما کوردستانێ و ب تایبەتی کێلگەهێن نەفتی شەرمزار کر، کو گەلەک زیانێن ماددی ب پرۆسەیا بەرهەمهینانا نەفتێ گەهاندینە و ئارمانج ژ ئەڤێ هێرشێ لێدانا ژێرخانەیا ئابوورییا وزا هەرێما کوردستانێیە.
جڤاتا وەزیران داخواز ژ حکومەتا فیدرال دکەت کو ئەرکێ خوە بجبهینیت و سنوورەکێ بۆ ئەوان هێرشان دانت و ڕێکارێن یاسای بەرامبەر ئەوان تێکدەران بگرتە بەر.
پاشان جڤاتا وەزیران گۆتوبێژ دەربارەی تەوەر و بابەتێن کۆمبوونێ کرن کو تایبەت بوون ب گۆتوبێژکرنا ڕەوشا داراییا هەرێما کوردستانێ و ڕێرەوێ دانوستاندنا ل گەل حکومەتا فیدرال سەبارەت مووچە و شایستەیێن داراییێن هەرێما کوردستانێ.
سهرۆكوهزیران و جێگری وی، هووركاریێن ئهوێ لێكتێگههشتنا دوهی ل بهغدایێ ب تایبهت ل دۆر دابینكرنا شایستهیێن دارایی یێن ههرێما كوردستانێ و پابهندیێن ههرێمێ شرۆڤهكرن.
پشتی دانوستاندن و لێگوهۆڕینا بۆچوونان، جڤاتا وەزیران پێشوازی ل ئەوێ لێکتێگەهشتنێ کر و بڕیار دا ب جێبەجێکرنا ناڤەڕۆکا ئەوێ لێکتیگەهشتنێ کو بڕیارە د بەرامبەردا حکومەتا فیدرال مووچە و شایستەیێن داراییێن هەرێما کوردستانێ ڕەوانە بکەت.
