ناڤهندا نووچهیان – سهما
باژێرڤانییا خانکێ، ل سەر پێشینا خۆ یا هەیڤانە، دەست ب کارێن ڤەکرن، تێکەلەکرن و کۆنکریتکرنا چەندین جاددەیێن ناڤخۆیی ل تاخێن جودا یێن ناحیەیێ کر.
سەرۆکاتیيا باژێرڤانییا خانکێ د ڕاگەهاندنەکێ دا دیار کر، دوهی ڕۆژا سێ شەمبوويێ 10-3-2026، تیمێن وان یێن تەکنیکی دەست ب پڕۆژەیەکێ خزمەتگۆزاری کرییە بۆ نووژەنکرن و ڤەکرنا جاددەیێن ناڤخۆیی ل چەندین تاخێن جودا یێن سنوورێ ناحیەیێ.
ئەڤ پڕۆژەیە، ژ لایێ سەرۆکاتیا باژێرڤانییا خانکێ ڤە دئێتە بجهئينان، ب تەمامی ل سەر بودجە و پێشینا هەیڤانە یا باژێرڤانیێ دئێتە تەمویلکرن. ئارمانج ژ ڤان کاران باشترکرنا ڕەوشا جاددەیان و ب ساناهیکرنا هاتنوچۆنا وەلاتیانە ل ناڤ تاخێن جودایێن دەڤەرێ.
حكومهتا ههرێما كوردستانێ گرنگيهكا زۆر ب وارێ ئاڤهدانيێ ل خانكێ ددهت و چهندين پرۆژێن خزمهتگۆزارى بۆ خۆشكرنا ژيانا وهلاتيان ئهنجامداينه.
د كابینەیا نههێ دا، ڕێزدار (مەسرور بارزانی) سەرۆكی حكومەتا هەرێما كوردستانێ، ڕاگەهاند: سیاسەتا مە دێ وهسا بت، كو ب تنێ گرنگيێ ب سەنتەرێ باژێران نادهين، بەڵكو گرنگييهكا زێدهتر ب قەزا و ناحیە و گوندان دێ دەین.
