سه‌ما
ل گۆر نوویترین رێزبەندیا جیهانی بۆ پیسبوونا كەشوهەوایێ، بەغدایا پایتەختا عیراقێ د رێزبەندیا ئێكێ دا یە و ژیانكرن ل ڤی باژاری د سەر هێلا سۆر و مەترسیدار دا یە.
رێزبەندیا جیهانی یا پیسبوونا كەشوهەوایێ (AQI) دەرخستیە كو د ناڤ 120 باژارێن جیهانێ دا، بەغدا د رێزبەندیا ئێكێ دا یە ب رێژا پیسبوونێ 186 میلیگرام د هەر مەترەكا سێجا دا.
پشتی بەغدایێ هەر ئێك ژ باژارێن كینشاسا ل كۆنگۆیێ، هانۆی ل ڤێتنامێ د رێزبەندیا دووێ و سێیێ دا پیسترین كەشوهەوا ل ئاستێ جیهانێ تێن.
ل گۆر وان داتایێن نوو یێن هاتینە بەڵاڤكرن، ژیانكرن ل باژارێ بەغدایێ د ئاستەكێ گەلەك مەترسیدار دا یە و زیانەكا گەلەك مەزن ب تەندروستیا مرۆڤان دگەهینیت.
هەر د وێ رێزبەندیێ دا هاتیە دیاركرن كو هەر ئێك ژ كەشوهەوایێن كەنەدا، مالیزیا و سەنگافوورێ باشترین ئاستێ پاقژیا كەشوهەوایێ هەیە ل سەر ئاستێ وەڵاتێن جیهانێ.