سه‌ما
وەزارەتا پلاندانانا عیراقێ داخواز ژ هەموو وەلاتیان کر کو د دەمێ پرۆسەیا سەرژمێریا گشتی دا د مەها داهاتی دا ل مالێن خۆ بمینن و دەرنەکەڤن.
عەبدولزەهرە هنداوی، په‌يڤدارا وەزارەتا پلاندانانێ یا عیراقێ راگەهاند: رۆژێن 20 و 21ێ مەها داهاتی ل سەرانسەری عیراقێ پرۆسەیا سەرژمێریێ دێ ئێتە ئەنجامدان، هەروەسا قەدەغەیا دەرکەفتنێ ژی دێ هەبت.
هەروەسا گۆت: ئارمانجا سەرەکی یا پرۆسەیا سەرژمێریێ باشترکرنا ئاستێ خزمەتگۆزاریانە ل سەر بنگەهێ وێ سەرژمێریێ یا کو دێ دەرکەڤت.
راگەهاند ژى: داخوازێ ژ هەموو وەلاتیان ل سەرانسەری عیراقێ دکەین کو د ماوێ وان هەردوو رۆژێن پرۆسەیا سەرژمێریێ دا ل مالێن خۆ بمینن، چنکو بابەتەکێ گرنگە و مفايێ وێ دێ بۆ نفشێن داهاتی ژی هەبت.
بریاره ل رۆژێن 20 و 21ێ مەها داهاتی دا قەدەغەیا هاتن و چوونێ د ناڤ باژێران و پارێزگەهان دا بێتە راگەهاندن ژ بەر ئەنجامدانا پرۆسەیا سەرژمێریا گشتی ل عیراقێ.