ناڤەندا نووچەیان – سەما
فەرماندەیا ناڤەندیا هێزێن ئەمریکا (سێنتکۆم) ڕاگەهاند؛ وان دەست ب پرۆسەیەکا نوو کریە ژ بۆ ڤەگوهاستنا دەستەسەرکریێن داعـشێ ژ باکورێ ڕۆژهەلاتێ سووریێ بۆ عێراقێ، ب مەرەما وێ یەکێ کو ل جهەکێ پاراستی بمینن.
ل دویڤ ڕاگەهاندنێ، پرۆسە دەستپێکریە و هێزێن ئەمریکا کارینە 150 زیندانیێن داعشێ ژ زیندانەکا حەسەکێ ل سووریێ بۆ جهەکێ پاراستی ل ناڤ ئاخا عێراقێ ڤەبگوهێزن.
سێنتکۆمێ دیار کریە ژی کو ئارمانجا داویێ ئەوە، نێزیکی 7000 چەکدارێن دەستەسەرکری یێن داعـشێ ژ سووریێ بۆ زیندانێن ژێر دەستھەلاتا عێراقێ بێنە ڤەگوهاستن.