سەما تیڤی

په‌رله‌مانتاره‌ك: بهايێن یەکەیێن ئاكنجيبوونێ ل هه‌رێما كوردستانێ كێمترن ژ يێن عيراقێ

ناڤه‌ندا نووچه‌یان – سه‌ما
ئەندامه‌كێ لیژنا خزمه‌تگۆزاريان ل پەرلەمانێ عيراقێ دیارکر، بهایێن یەکەیێن ئاكنجيبوونێ ل کۆمەڵگەهێن وەبەرهێنانێ ل بەغدا و پارێزگەهان گەلەک د بلندن، ئاماژە ب وێ چه‌ندێ دا کو ئەڤ بها نەگونجاى نە دگەل شیانێن وەلاتیان ب تایبەت خودان داهاتێن سنووردار.

سەروە محەمەد، بۆ ئاژانسا شەفەق نیوز، گۆت: هەموو کۆمەڵگەهێن ئاكنجيبوونێ یێن نوکە هەین، پرۆژەیێن وەبەرهێنانێ نە، لێ بهایێن وان گەلەک بلندترن ژ رەوشا ئابوورى یا خێزانێن عیراقى، و ئەڤە قەیرانا ئاكنجيبوونێ خرابتر دکەت دژى چارەسەرکرنا وێ.

رونكر ژى، پرۆژەیێن کۆمەڵگەهـ و باژارێن ئاكنجيبوونێ یێن نوکە هەین نە چارەسەرییەکا راستەقینە نە بۆ قەیرانا ئاكنجيبوونێ، چنکو عیراق پێتڤى پتر ژ دو ملیۆن یەکەیێن ئاكنجيبوونێ یە، لێ ئەڤ پرۆژە تەنها ٢٪ ژ قەیرانا گشتى چارەسەر دکەن.

بەراورد دگەل ئەزموونا هەرێما کوردستانێ، سەروە محەمەد، ئاماژە ب وێ چه‌ندێ دا، رەوش ل وێده‌رێ ب تەمامى جوداترە، حکومەتا هەرێمێ و لایەنێن وەبەرهێنانێ بهایێن یەکەیێن ئاكنجيبوونێ راستەوخۆ دیار دکەن، ئەڤە ژى وه‌ کریە کو وەلاتى بكارن ب بهایەکێ کێمتر بدەستڤه‌بينن.

><