سه‌ما
ئێكه‌تيا نێڤ دەوڵەتی یا فوتبۆلێ (فیفا) راگەهاند،سەرۆکێ ئێكه‌تيا فوتبۆلا کامیرۆنێ و یاریزانێ نێڤدەوڵەتی یێ بەرێ ساموێل ئیتۆ بۆ ماوەی 6 مه‌هان ژ هەموو یاریێن هەڵبژارتيێ وەلاتێ خۆ هاتیە دوورخستن ژبەر رەفتارا وی د یاریەکا جاما جیهانێ یا ژێر 20 سالان یا کچان دا.
کۆمیتا دیسپلینێ یا فیفایێ ئەڤ هێرشبەرێ بەرێ یێ بەرشەلۆنا ئیسپانی و ئینتەر میلانا ئیتالی و هەڵبژاردا “شێرێن نەکەڤنکری” تۆمەتبار دکەت ب بنپێکرنا یاسایێن پەیوەندیدار ب “رەفتارا دوژمنکارانە و بنپێکرنا پره‌نسیپێن یاریا پاقژ و رەفتارا نەشایستە یا یاریزان و بەرپرسان”.
ئیتۆ هاتە تۆمەتبارکرن ب فشار ئینانا سەر دادوەران د یاریا شازدەیێن داویێ دا کو کامیرۆن تێدا بەرامبەر بەرازیل (3-1 پشتی درێژکرنێ) د جاما جیهانێ یا ژێر 20 سالان ل کۆلۆمبیا دۆڕاندی.
فیفا دیار کر، دوورخستنا ئیتۆ پەیوەندی ب ئەرکێن وی یێن وەک سەرۆکێ یەکێتیێ نینە، لێ دێ رێ ل وی ئێتە گرتن کو ئامادەی یاریێن فوتبۆلێ یێن زەلام و ژنان بیت یێن کو هەڵبژارتيێن نوێنەرایەتیا ئێکه‌تیا کامیرۆنێ تێدا بەشدار دبن د هەموو پۆلان یان گرۆپێن تەمەنی دا.