ناڤەندا نووچەیان – سەما
د یاریا بەری داویێ ژ كۆپا کەنداڤێ عەرەبی دا، یانا دهۆك دووەمین سەرکەفتنا خۆ یا ل سەر ئێک ل دژی یانا ئیتیفاقا سعوودیێ تۆمار کر و بوویە ئێکەمین یانە د دیرۆکا عیراقێ دا کو دگەهتە یاریا داویێ.
د یاریا زڤرینێ یا قۆناغا بەری داویێ یا كۆپا یانێن کەنداڤێ عەرەبی دا، یانا دهۆك ل بەر پتر ژ 22 هه‌زار هاندەرێن خۆ مێڤانداریا یانا ئیتیفاقا سعوودی کر. بەری کو دادڤان فیدکا داویێ یا یاریێ ب یەکسانبوون بێ گۆل لێ بدەت، ئه‌لهۆيێن بادینان د خۆلەکا 90 دا بەربەستێ یەکسانبوونێ شکاندن و گۆلا سەرکەفتنێ تۆمار کر، ب ڤی رەنگی دهۆك د یاریا چوون و زڤرینێ دا كارى ب ئەنجامێ گۆلەکا بێ بەرسڤ یاریێ ببەت و بگەهتە یاریا داویێ یا كۆپا یانێن پالەوانێن کەنداڤێ عەرەبی.
دهۆك د یاریا داویێ دا دێ رووبەرووی یانا قادسیا کوێتی بت، یاریا داویێ یا جاما یانێن پالەوانێن کەنداڤێ عەرەبی ب شێوەیێ چوون و زڤرینێ ب رێڤە دچت، یاریا چوونێ د رۆژا 8ێ مەها داهاتی دا ل یاریگەها محەمەد حەمەدی یا نێڤدەولەتی یا کوێتێ ب رێڤە دچت، یاریا زڤرینێ ژی د رۆژا 15ێ مەها داهاتی دا ل یاریگەها یانا دهۆك دێ ئێتە کرن و نازناڤ ل سەر ئاخا هەرێما کوردستانێ دێ ئێتە بلندکرن.