حسێن قائيدى: حكومه‌تا عيراقێ برينێن ئێزديان كورتر دكه‌ت

سه‌ما
به‌رپرسێ نڤيسينگه‌ها رزگاركرنا ره‌ڤانديێن ئێزدى راگه‌هاند: ڤه‌گوهاستنا خێزانێن تيرۆرستێن داعشێ ل به‌ر چاڤێن ئێزديان، هه‌ست و برينێن وان كورتر كرينه‌ و ئه‌ڤه‌ زۆرداريه‌كا دى يه‌‌ ل ئێزديان هاتيه‌ كرن.

حسێن قائيدى، به‌رپرسێ نڤيسينگه‌ها رزگاركرنا ره‌ڤانديێن ئێزدى بۆ سه‌ما گۆت: حكومه‌تا عیراقێ خێزان و كه‌سوكارێن رێكخراوا تیرۆرستییا داعش ل به‌ر چاڤێن ئێزدیان ژ كه‌مپا هۆلێ ل سوریێ ڤه‌دگوهێزنه‌ كه‌مپا جه‌دعه‌ ل مووسلێ، ڤێ یه‌كێ هه‌ست و برینێن ئه‌وان كوورتر كرینه‌.

قائيدى دوپاتكر، ئه‌ڤ پێنگاڤا به‌رده‌واما حكومه‌تا عيراقێ زۆردارییه‌كا دی یه‌ دئێته‌ كرن ل دژى ئێزديان و ئه‌ركه‌ ل سه‌ر حكومه‌تێ چاره‌نڤيسێ رزگاربوویێن ئێزدی ئاشكرا بكه‌ت ول وه‌لاتيێن خۆ يێن ره‌سه‌ن بگه‌رێت.

كه‌مپا هۆلێ سه‌ر ب پارێزگەها حه‌سه‌كه‌ یا باکورێ ڕۆژهەڵاتا سوریێ يه‌، كه‌سوكارێن تيرۆرستێن داعشێ د ناڤدا هاتينه‌ ڤه‌حه‌واندن، هه‌تا نۆكه‌ چه‌ندين خێزان ژ ئه‌وێ كه‌مپێ بۆ كه‌مپا جه‌دعه‌ ل مووسلێ هاتينه‌ ڤه‌گوهاستن.

ل گۆڕه‌ى زانياريان هێشتا ب ده‌هان كچ و ژنێن گرتيێن ئێزدى دناڤا كه‌مپا هۆلێ دا ماينه‌ و نه‌هاتينه‌ رزگاركرن، ئه‌و ژبه‌ر ره‌فتارێن ژنێن داعشێ نه‌وێرن ناسنامه‌يا خۆ ئاشكرا بكه‌ن.