قايمقامێ شنگال زانياريان ل سه‌ر ره‌وشا ئاواره‌يان ل كه‌مپان ئاشكرا دكه‌ت

سه‌ما
قايمقامێ قه‌زا شنگال ئاماژێ ب وێ چه‌ندێ دكه‌ت، حكومه‌تا عيراقێ يا كێم ته‌رخه‌مه‌ و هاريكاريا ئاواره‌يان ل كه‌مپان ناكه‌ت.

ئاواره‌يێن شنگالێ نها بسه‌ر 15 كه‌مپاندا ل سنوورێ پارێزگه‌ها دهۆكێ دابه‌شبووينه‌ و پترى 10 سالانه‌ دناڤا خيڤه‌تاندا ژيانا خۆ ده‌رباز دكه‌ن.

نایف سه‌یدۆ، قایمقامێ قه‌زا شنگالێ ب وه‌كاله‌ت بۆ سه‌ما راگه‌هاند: ئاوارێن شنگالێ ل كه‌مپان و ژ ده‌رڤه‌ى كه‌مپاندا پێدڤى ب هاريكاريانه‌، ب تايبه‌ت ژى نها نێزيكى وه‌رزێ زڤستانێ دبين هێشتا گازا سپى بسه‌ر ئاواران دا نه‌هاتيه‌ به‌لاڤكرن.

گۆتژى: حكومه‌تا عيراقێ يا كێم ته‌رخه‌مه‌ و هاريكاريا ئاواره‌يان وه‌كو پێدڤى نه‌كريه‌.

ناڤهاتى دوپاتكر، رێككه‌فتنا شنگالێ تاكه‌ چاره‌سه‌رى يه‌ بۆ ئاساييكرنا ره‌وشا ده‌ڤه‌رێ، داكو ئاواره‌ ب سه‌ربلندى ڤه‌گه‌رنه‌ ده‌ڤه‌رێن خۆ.