رێڤه‌به‌رێ كه‌مپا خانكێ: دخوازين گازا سپى بۆ ئاواران بێته‌ دابينكرن

سه‌ما
دگه‌ل هاتنا وه‌رزێ زڤستانێ پرۆسه‌يا به‌لاڤكرنا گازا سپى ل سه‌ر ئاواره‌يێن ل كه‌مپێن سنوورێ پارێزگه‌ها دهۆكێ ده‌ست پێ نه‌كريه‌، رێڤه‌به‌رێ كه‌مپا خانكێ ژى دبێژت: ئاواره‌يان پێدڤى ب گازا سپى هه‌يه.

پير عه‌لۆ، رێڤه‌به‌رێ كه‌مپا خانكێ بۆ سه‌ما دياركر، هه‌ر ساڵ دگه‌ل هاتنا وه‌رزێ زڤستانێ ئاواره‌يان پێدڤى ب دابينكرنا گازا سپى هه‌يه‌، هێشتا ل كه‌مپان ده‌ست ب به‌لاڤكرنا گازێ ل سه‌ر ئاواره‌يان دا نه‌هاتينه‌ كرن.

دبێژت: هێشتا 2 هه‌زار و 358 خێزانێن ئاواره‌ ژيانا خۆ ل كه‌مپێ دا ده‌رباز دكه‌ن، ئێك ژ داخوازیێن گرنگ یێن ئاواران دابینكرنا گازا سپی یه‌.

ل گۆڕه‌ى رێڤه‌به‌رێ كۆچ و كۆچبه‌ران و به‌رسڤدانا قه‌يرانان ل دهۆكێ پێشتر ب سه‌ما راگه‌هاندبوو، ئه‌وان داخواز ل وه‌زاره‌تا كۆچ و كۆچبه‌رێن عيراقێ كريه‌ گازا بگه‌هيننه‌ كه‌مپان.